Ana Vibes ta mas c’un figura online. E ta un voz real, un refleho di nos pueblo, un recordatorio di kico autenticidad por logra.
Pa su impacto, su humildad y su poder di uni comunidad,
Xclusivo Magazine ta nombr'e Top Story di 2025.
Zilha y Queeny ta recorda nos cu poder di mas grandi ta serca esnan cu por crea espasio den cual esnan cu ta forma un comunidad por sinti trankil y crece.
Pa nan dedicacion incansabel, pa nan abilidad pa uni diferente voz na un solo mesa, y nan impacto real riba comunidad Arubano,
Xclusivo Magazine ta nombranan Storia di Empoderacion 2025.
Devin y Arianne ta dos forsa cu ta redefini liderazgo deportivo na Aruba. Pa nan corahe, entrega y impacto real riba un sistema liderazgo den deporte,
Xclusivo Magazine ta nombranan Liderazgo Deportivo 2025.
Giovanni y Jesmine di Vecchia ta prueba cla cu Aruba tin talento, tin vision, tin lider cu por crea proyecto di nivel internacional. Nan no ta simplemente desaroyador; nan ta storytellers di espacio, architecura cu experiencia y gusto. Ehempel di loke ta posibel ora vision y amor pa isla ta uni.
Pa nan influencia den diseño, compromiso cu excelencia y nan rol como localnan cu ta para tras di algun di e proyecto mas distingui di isla,
Xclusivo Magazine ta nombranan Storia visionario local 2025.
Nathan, Jeandré, Kevin y Christen a revela cu presencia masculino den educacion por bira guia, stabilid y inspiracion pa hopi mucha, specialmente esnan cu ta busca un figura di confiansa.
Pa nan gran impacto den forma nos comunidad,
Xclusivo ta nombranan Mentor Educativo 2025.
Historia di Pierangely Wever ta un di e momentonan mas importante socialmente pa 2025: un figura conoci, asocia cu alegria y movimento, a pone pausa y a bisa: “Mi tambe ta cansa. Mi tambe mester yudansa.” El a mustra nos cu salud mental no tin cara special, e por t’abo, ami, nos tur.
Pa su balentia pa kibra silencio, pa normalisa un tema di yudansa profesional y pa duna forsa na esnan cu ta lucha den silencio,
Xclusivo Magazine ta nombr'e Storia Social 2025.
Darice su relato ta un ehempel cu separacion y amor tin hopi forma. E storia a revela un berdad poderoso: Si por aplica madures emocional, respet y comunicacion, separacion no mester ta un bataya.
Pa su balentia, su boluntad pa comparti un modelo madura di cria yiu,
Xclusivo Magazine ta nombr'e Storia mas Impactante 2025.
Max ta recorda nos cu cambio social no semper ta bini di lidernan den posicion nan clave; tin biaha e por bin di un hoben, c’un voz sincero.
Pa su claridad, corahe y rol den un dialogo cu Aruba no por evita,
Xclusivo Magazine ta nombr'e Storia di Husticia 2025.
Su archivo tabata memoria; su comeback ta un forma di kere den su mes y sigui su pasion real. Pa su abilidad pa uni generacion y reactiva un sentimiento colectivo,
Xclusivo Magazine ta nombr'e Storia Viral 2025.
Built with Shorthand