Opus Ocean & Grill, un restaurant Mediterraneo di seafood den un ambiente di fine dining, ta mas cu djis un negoshi—e ta e culminacion di un soño di famia Velasquez, cu ta consisti di Mama y tata Sally cu cesar y nan yiunan Bryan y Kevin.
E biahe aki a cuminsa despues di un evento significativo den bida, cu a forsa e famia pa enfoka riba loke nan sa haci mihor: cushina. Mayornan Sally y Cesar, kendenan semper tabatin ambicion pa logra y crece den bida. Despues di a traha como empleado pa otro negoshi, nan a cuminsa riba nan mes ta cushina na cas. Decadanan di dedicacion a sigui unda finalmente, nan a habri nan propio restaurant den e mesun area cu tabatin hopi recuerdo personal pa nan—Oranjestad. Eynan ta unda nan a biba como mucha pues ta eynan ta unda e biahe aki a cuminsa.
E nomber "Opus" a keda scogi pa simbolisa e dedicacion di e restaurant na e arte di excelensia culinario. Manera un "Opus" den musica ta un obra significante den e portfolio di un compositor, e restaurant Opus tabata visualisa como un obra di arte den e mundo di ‘fine dining’—un lugar caminda cada plato ta keda crea cu precision, pasion y arte.
"Nos restaurant ta ofrece un experciencia di ‘fine dining’ cu ta combina e elegancia di cushina clasico cu e creatividad di tecnicanan culinario moderno. Nos ambiente ta chic y contemporaneo, diseña pa ta sofistica y ‘inviting’. Nos ta enfoka riba entrega di un servicio personalisa, sigurando cu cada bishita ta mas c’un cuminda, sino un evento inolvidabel."
Opus ta specialisa den seafood Mediterraneo, cu firmanan manera Pulpo Hasa, Chef's Daily Local Catch, y un Mix di Seafood Hasa cu ta pone e ingrediente mas fresco riba e ‘spotlight’. E experiencia di fine dining ta wordo eleva mas c’un lista exclusivo di biña y ‘twist’ culinario cu ta refleha e sabornan vibrante di e region Mediterraneo.
Opus ta profundamente influencia pa e comunidad vibrante di Oranjestad. E famia a brasa sabornan y ingredientenan local, enrikeciendo nan menu y e experiencia. "Nos ta orguyoso di participa den eventonan di comunidad y apoya iniciativanan local, fortaleciendo asina e coneccion mas cu nos hendenan. E compromiso aki ta yudabo keda den laso estrecho cu nos cultura y preferencianan local, sigurando cu nos ta keda un parti stima di e comunidad di Aruba."
"Nos team ta consisiti di individuonan dedica y pasiona cu ta comparti un meta comun di duna experiencianan di dining excepcional. Ora nos ta scoge nos staff, nos ta duna prioridad na cualidadnan manera un etika solido di trabou, abilidadnan di comunicacion excelente, y un entusiasmo genuino pa hospitalidad. Pa mantene un ambiente di sosten y colaboracion, nos ta sigura cu cada miembro di e team ta contribui na nos exito."
Mirando pa futuro, e famia tras di Opus Ocean & Grill tin plannan ambicioso. "Nos plannan pa futuro ta pa explora oportunidadnan di expansion, sea habri locacionnan nobo of mehora nos espacio actual pa ofrece experiencianan di dining mas diverso. Nos tambe ta considera introduci servicio nobo manera ‘host’ eventonan special pa amplia nos alcance mas ainda. Nos meta ta mantene nos menu fresco pa incorpora platonan innovativo di temporada, sigurando cu nos ta keda dilanti cu e tendencia culinario mientras nos keda fiel na nos raiznan."
Den e restaurant di famia, cada miembro tin su rol esencial. Cesar, e tata, ta e maestro den cushina, creando y perfeccionando e platonan. Sally ta maneha e parti administrativo como e cabes di e oficina. Kevin ta encarga cu e compra pa e mihor ingredientenan, mientras cu Bryan ta enfoka riba innovacion, trece ideanan nobo y tendencia na e menu. E division di rolenan aki ta permiti pa e famia uza nan fuerte y traha hunto manera un team bon coordina. Establece y maneha un negoshi di famia a resulta den algo gratificante y desafiante na mes momento. "E ta duna nos e oportunidad pa traha hunto, fortalece nos union familiar mientras nos ta persigui un soño comun. Nos ta beneficia di un confiansa mutuo profundo y comprension, loke ta yuda den tuma di desicionnan y supera obstaculonan. Na final, e ta un sentimento pleno di yuda trece algo significante hunto y wak con e ta crece."
"E famia ta hopi entusiasma cu e esfuersonan pa haci Oranjestad un destinacion culinario." Cu realse di sabornan varia y cultura rico den e area ‘ki, lo atrae fanaticonan di gastronomia mas ainda. Cu tur e abilidad y dominio di Opus Restaurant, e ta sigar cu nan lo contribui na aumenta y duna realse na e reputacion gastronomico di Oranjestad pa ofrece experiencianan memorabel cu ta celebra herencia culinario.
"Nos vision ta pa Opus ta bira un lider den excelencia culinario y satisfaccion di e cliente. Den e proximo cinco aña, nos kier fortalece nos coneccion cu e comunidad, colaborando cu productonan local y participa den eventonan cultural. Nos aspiracion ta pa Opus bira un destinacion stima pa tanto localnan como bishitantenan, conoci pa su calidad y un ambiente di bon bini."
Built with Shorthand