Oranjestad tin un nificacion hopi special pa Diamanta Kock paso ta den playa el a lanta. Su mes, un artista di entretenimento cu varios premio, el a opta pa bolbe Aruba for di Europa pa establece un carera den mindful experience design and holistic practice por medio di eco-conscious food & beverage entertainment.
E concepto di su negoshi ta un hub holistico multi-spectrum dedica pa trece consciencia riba e tesoronan natural y cultura di Aruba, usando solamente producto y artista local.
"Mi a nace y biba den Playa, p’esey ora cu mi a bolbe Aruba despues di tabata biba na Europa pa casi 15 aña, mi a sinti e calidez y un apreciacion instantaneo pa nos caya grandi. E autenticidad ta loke ta defini e Aruba manera mi conoce y ta stima.”
Ora Diamanta ta tende ‘Caya Grandi’, e ta pensa riba tur e cosnan bon. "Mi ta sinti speransa pa nos ‘downtown’ por bolbe na su existencia como un punto central di Aruba. Mi no por yuda na resa pa nos hendenan bolbe inverti bek den Caya Grandi y no bende na companianan di afor.
E apoyo di Maggy’s a demostra esencial pa Diamanta. E imperio increibel aki a dunami apoyo durante e aventura aki pa logra un solucion sostenibel di uni forsa pa reduci gastonan, reusa mueble y recicla decoracion." Esaki a hacie posibel pa di un manera mas costo-efectivo, e logra establece su hub holistico den e area di pleno Caya Grandi.
Sea sabi y no purba imita otro concepto. Purba co-crea cu otro profesionalnan pa cuminsa un negoshi y comparti gastonan. Organisa pop-ups den Caya Grandi pa sondea bo mercado y producto.
E ‘gentrification’ di un area di cultura pa un compania internacional y restaurantnan ‘high end’ por termina na exclui localnan di disfruta riba un base mas regular.
"Den e proximo cinco añanan, nos compania lo kier mantene un hub den downtown pa mas largo posibel, hunto cu otro establecimentonan, mas probable den Mondi. Nos mester traha pa motiva comunidad local y animanan pa sostene negoshinan den Caya Grandi."
Built with Shorthand