“Kyoki Boutique a nace durante un periodo di recuperacion p’ami, despues di un herida na mi pia cu no a permiti mi move.” Pa mantene su mes ocupa, Stephanie a cuminsa cose pa mucha chikito. Di eynan e marca Kyoki a cuminsa. Poco despues, e amor pa trabou cu clay polymer a bira un inspiracion nobo. Di benta di renchinan riba Instagram y na mercadonan chikito, Kyoki a cambia pa un tienda online na 2020 y eventualmente un espacio fisico awor.

Mi amor pa renchinan di orea traha na man ta bin di e storia y personalidad unico cu cada pieza tin. Segun Stephanie, traha cu clay polymer ta habri hopi posibilidadnan creativo y ta bira un proceso terapeutico p’e. Ora e crea renchinan personalisa, e ta logra un conexion hopi special cu e clientenan y asina ta dunanan un oportunidad pa expresa nan mesun estilo. Kyoki Boutique ta mas c’un marca di joyeria; e ta un espacio pa expresion propio y conexion. Cu su creatividad cu e material di clay polymer, Stephanie a crea un estetica cu ta combina colornan alegre cu sofisticasion. Mas leu di su amor pa renchi di orea, Stephanie tin e idea y vision cu su marca lo crece pa bira un hub creativo mas grandi ainda y cu ta duna apoyo na artistanan local.

E ambicion di Stephanie a haya un sosten y push adicional cu Qredits Aruba, un partner financiero dedica pa empodera emprendedornan na Aruba. Ora el a tende di Qredits via network di negoshi na Aruba, el a spierta su interes mesora. Principalmente e forma clave con Qredits ta duna apoyo na negoshinan creativo manera esun di dje. “ Mi experiencia cu Qredits a resulta masha positivo p’ami. Sin duda mi ta recomenda Qredits na otro emprendedornan cu ta busca pa crea nan soño. Qredits ta yudabo navega e retonan di keda crece den mundo di negoshi.” Cu e apoyo di Qredits, el a logra realisa su metanan y na mes momento, amplia Kyoki Boutique mas liher di loke e tabata spera.

Stephanie ta desea amplia e variedad di producto di Kyoki como tambe agrega merchandise ‘fun’ pa clientenan. Recien el a añadi un ‘charm bar’ unda e cliente por scoge su charm favorito y crea su mesun pieza na e area di ‘make your own hoop’. “ Mi ta gusta e idea di duna e cliente un experiencia di compra diferente mientras nan por ta creativo den henter e proceso." 
Mi vision pa Kyoki Boutique ta pa bira un marca iconico di Aruba unda creatividad y nos comunidad ta topa.

"Arubianonan ta unico. Mi ta sinti cu nan ta stima duna sosten na marcanan local. E mercado local ta creciendo y mi ta kere cu mas y mas, hendenan ta sinti nan mas atrai na productonan traha na man cu ta unico y di calidad. Mi ta kere cu nos lo bay mira mas marcanan independiente cu lo bay contribui na e mercado aki y esey ta hopi motivante pa tur hende.”