Diadomingo, 25 di Augustus 2024, riba dia di estilista, Kérastase a duna un atencion special na e dia aki c'un lansamento extraordinario di nan linia mas nobo, Kérastase Première. Den un manera unico, via un video, por wak con estilistanan invita di Puerto Rico a yega Aruba, drentando e Marriott Grand Ballroom pa duna inicio na e evento exclusivo.
E lansamento di Kérastase Première ta enfoca riba eliminacion di calcium damage den bo cabey. Estilistanan tabata por a wak cla e diferencia entre uza awa normal y uza e producto di Kérastase, y con e texura di e cabey y mantenimento di color ta mehora significativamente.
Normalmente, eventonan manera esaki ta 'hands-on training', pero e biaha aki a haci e presentacion manera un show visual. Tur estilista tabata bisti na blanco, representando e color di Kérastase, celebrando ‘International Hairdresser's Day.’ Durante e evento, invitadonan a haya un presentacion chikito di e liña nobo, sigui pa un cocktail hour den e Marriott Grand Ballroom.
Mayoria di e invitadonan tabata estilistanan di salonnan di Kérastase, mientras invitadonan special, Tania Rodríguez y Gillian Santiago di Puerto Rico, educadornan di Kérastase y L'Oréal Professionnel, a trece e liña nobo, inspira door di un tematica di James Bond. E parte culminante tabata ora un maleta cu e producto di Première a pasa di man di Tania Rodríguez pa Mitch Almary (representando Swift Distribution), y despues pa Roberto Avalo, representando e mercado di Aruba.
Pabien na e team completo cu tremendo vento unda un biaha mas, conocemento ta keda comparti, den un forma creativo cu na final, beneficio na tur amantenan di Kérastase.
Pa
Built with Shorthand