Den una deslumbrante exhibicion di innovacion y educacion, Swift Distribution Aruba y L’Oréal Professionnel a uni forsa pa organisa e exclusivo evento 'iNoa Hands On Education y Business Class' na Aruba. Durante dos dia, diadumingo 14 y dialuna 15 di april di 2024, e evento aki a marca un hit significante den e mundo di profesionalnan di salon.
E evento a cuminsa c’un introducion di e revolucionario formula di iNoa, un experiencia luhoso di color den salon alimenta pa azeta y liber di amoniak. Dirigi pa educadornan di L'Oréal, Alba Medina y Victoria Kubiak for di Republica Dominicana, estilistanan a disfruta di sesionnan practico, explorando e detayenan di e tecnologia di color innovador.
Di dos dia di e evento a mira doñonan di salon y estilistanan embarca den un biahe pa eleva nan negoshinan. Bou guia di Maria Gonzalez, un educador di L'Oréal for di Puerto Rico, participantenan a haya diferente conocementonan valioso manera con pa haci uzo di hermentnan simpel manera setup di salon y medionan social pa mehora e strategia di nan negoshi.
E evento a conta cu e presencia di invitadonan internacional incluyendo Kristopher Fonseca, hefe di Educacion di L'Oréal for di Puerto Rico, y Veroushka Concepcion, gerente di desaroyo di Negoshi na L'Oréal Caribe, tambe for di Puerto Rico. Nan experiencia a agrega un capa adicional di profundidad y inspiracion na un experiencia ya di su mes beneficioso.
C’un asistencia notable y entusiasmo, e lansamanto di iNoa na Aruba ta laga e estilistanan emociona y cu anticipacion di loke Swift Distribution Aruba y L'Oréal Professionnel tin planea pa futuro. Sin duda, e tabata un exito. Armando e base pa un era nobo di creatividad y excelencia den e mundo di e profesionnan di salon.
Built with Shorthand