Den e 21 siman di echo mi a keda confronta c’un noticia cu nunca mi a spera. Durante e cita, cosnan a cana completamente diferente di locual nos a spera. Como mama di dos yui, un echo ta algo familiar, pero esaki a tarda mas di locual mi ta custumbra. E cara di e dokternan tabata indica cu algo no tabata cana manera normal. E dokter inicialmente a splicami kico e ta wak riba e pantaya y despues a yama otro dokter pa bin y confirma.
7 maart 2024- e yegada y nacemento di Kayden. Manera e la nace, e la wordo “geïntubeerd”
7 maart 2024- e yegada y nacemento di Kayden. Manera e la nace, e la wordo “geïntubeerd”
Mi ta corda cu e dokter a bisa mi: “Mi ta sorry señora, pero bo tin mala suerte, bo baby tin Congenital Hernia Diagfragmatica, un condicion cu sa pasa casi nunca”. Hamas mi a yega di scucha di “Congenital Hernia Diafragmatica”, conoci como CHD. Mi otro dos yiunan ta saludabel y mi no por a pensa cu lo tabatin algo cu lo por haci cu e embaraso aki diferente. CHD ta un condicion cu ta pasa den 1 den cada 20.000 baby, caminda e diafragma di e feto no a desaroya completamente y ta keda cu un buraco, e buraco aki ta causa cu e organonan den e abdomen ta subi bay den e pecho di e baby, cu consecuencia limitando e desaroyo di su pulmon.
E team di ICU Sophia Kinderziekenhuis trahando riba Kayden cu ta riba ECMO. Aki nan a bin pa saca x-ray di Kayden
E team di ICU Sophia Kinderziekenhuis trahando riba Kayden cu ta riba ECMO. Aki nan a bin pa saca x-ray di Kayden
Kayden cu su knuffel favorito cu a compañe tur caminda
Kayden cu su knuffel favorito cu a compañe tur caminda
Tabata 7 di Januari 2023, e fecha cu AZV a indica cu nos tin cu bula cu urgencia pa Hulanda. Nos a haya exactamente 1 dia pa prepara nos cosnan. Na prome instante a keda estima por lo menos un estadia di 6 luna na Hulanda. Den transcurso di tempo esaki a bira 394 dia. Nos a dicidi cu full e famia lo bay hunto y cu nos lo keda hunto te na final.
Nos a yega siguiente dia Hulanda na Rotterdam. E siguiente mainta nos mester a bay na Sophia Kinderziekenhuis. Nos tabatin cita cu e gineocologo. Aki e dokter a bisa nos e motibo dicon e la manda yama nos cu urgencia; el a splica cu ami y e baby ta bin na remarke pa e procedura di FETO. FETO ta para pa Fetal Endoscopic Tracheal Occlusion. E ta un procedura cu ainda ta den fase experimental y babynan cu CHD cu ta cay bou di e categoria severo aki ta yega na remarke pa un intervencion asina. E procedura aki ta encera cu ta blokia reversibelmente e trakea di e fetus cu un balon latex den e bariga di e mama.
E tabatin asina tanto tubo y no por a lanta fe cama; mi por a wanta solamente su man
E tabatin asina tanto tubo y no por a lanta fe cama; mi por a wanta solamente su man
Nos a haya 3 ora pa dicidi si nos lo kier participa den e procedura aki. Un procedura cu lo por subi e probabilidad di sobrevivencia di Kayden. Pero tabatin un nota chikito: pa ora cu Hulanda a haya sa cu Kayden lo por participa den e procedura di FETO, ami tabatin 34 siman cu ta den e limite estableci pa e FETO. Dor cu mi tabata den mi 34 siman, e beneficio di e intervencion lo por ta mas chikito y cu chens mas grandi pa un embaraso prematuro.
Kayden tabata conoci na hospital pa wanta duro na su tubo di oxygeno
Kayden tabata conoci na hospital pa wanta duro na su tubo di oxygeno
Mi a laga e dokter duna tur su splicacion, pero mientras tanto, den mi curason mi decision tabata tuma caba. Ami y mi casa a cana sali di e consultorio p’asina discuti kico nos lo haci. Nos a dicidi di pone e baby completamente den man di Dios sin e intervencion di FETO. Nos a yega na e acuerdo cu no tin mihor caminda pa e baby cu den e bariga di su mama; e incubacion perfecto cu Dios a prepara. Mi tabata kier pa e baby ta den mi bariga lo mas hopi posibel, caminda e por gosa di e ambiente perfecto, caminda e por landa den e abundancia di e fluido amniotico, sin cu e tin cu preocupa mucho cu locual ta pasa den mundo y kico lo tin di sper’e.
Laga bay tabata hopi doloroso, pero mi tabata sa cu mi a yega na e punto cu ami mes no tin nada mas den control.
E 38 siman a yega, tabata net un mainta caminda na Rotterdam e sirena cu ta data di tempo di guerra, ta custumbra di zona. Mi a bay determina c’un paz interior cu nos ta bay guerra; ami y mi yiu. Y asina cu mas o menos 40 hende den e sala di hospital; Kayden Neo-Gabriel a nace, y a wordo yama bon bini c’un tubo cu a bay den su garganta mesora, dilanti mi.
Prome biaha cu mi por a carga Kayden, despues cu e la wordo kita di ECMO - 19 dia despues di nacemento
Prome biaha cu mi por a carga Kayden, despues cu e la wordo kita di ECMO - 19 dia despues di nacemento
Y asina a cuminsa un proceso di mas o menos 120 dia na ICU, di cual e parti mas duro ta di a wak Kayden riba machine di ECMO; un machine cu ta tuma temporalmente e funcion di e curason y pulmon over.
Prome biaha cu nos a haya permiso di hospital pa bay cana cu Kayden den e parke patras di hospital
Prome biaha cu nos a haya permiso di hospital pa bay cana cu Kayden den e parke patras di hospital
Tabatin hopi incertidumbre durante e proceso. Un proceso di casi 6 operacion. Pero na final despues di casi 180 dia di incertidumbre, Kayden tabata stabiel bek, na cas na Hulanda. E ultimo cos cu nos por a perde tabata speransa. E pensamento cu Dios a scogemi como mama di Kayden, tabata dunami perspectiva. E pensamento cu Dios tin algo grandi pa Kayden tabata duna mi aliento y e amor incondicional di esnan rond tabata dunami forsa. Paso net ora mi a pensa cu mi a yega na e final di mi mes, Dios a bin cargami. Y mi a realisa c’un final no kiermen necesariamente un conclusion, pero mas bien un cuminsamento.
Despues di 394 dia nos por a bolbe bek Aruba, bek na cas pa nos cuminsamento nobo.
Y asina nos a bolbe bek na nos hogar, hunto cu Kayden Neo-Gabriel cu ta significa na Ingles:
Built with Shorthand