Hopi hende conoce den su participacion activo den diferente festival di canto na Aruba. Su nomber ta Ian Tromp, di apenas 9 aña di edad, e ta haci aña riba dia 19 Januari. Ian su color faborito ta blauw y ta gusta come arepa cu keshi y bebe refresco cora. E ta actualmente den 3de klas y su vak favorito ta rekenen.
Di chikito Ian su famia a nota cu Ian tin un bon oido pa musica. E tabata memorisa e letranan di canticanan hopi liher. Cu su dos aña e tabata scucha Bruno Mars na radio y e tabata memorisa ya caba gran parti di e cancion y ritmo. Ian semper a gusta baila. Cu su 3 aña su mayornan y famia a traha un roadpiece p’e por bay baila den Carnaval, aki ta unda nan a nota cu e tabata purba canta tur e cantica nan di Carnaval y tabata hala hopi atencion di e publico. Aki ta unda Ian a bira e nr. 1 fan di Galloway y di unda Ian su nomber artistico a bin, esta “Ianway”.
E siguiente aña cu su 4 aña a dicidi di laga Ian competi den ‘Roadmarch’, categoria pre-infantil, unda cu Galloway a traha su cantica, y na unda el a sali segundo luga y a haci un hopi bon show pa e publico. E mesun aña aki na 2019 a lage tambe participa den festival di ‘Un Canto pa nos Himno y Bandera’ categoria 4-6, unda cu el a gana prome luga. Despues di esaki Ian a keda participa activamente den diferente festival, pero Ian su festival preferi ta keda Roadmarch.
Semper Ian su mama, Nicole Arends cu su tata Norman Tromp a siña Ian e canticanan, unda cu Ian tabata siña nan rapidamente. E ultimo 2 añanan aki e ta bay coaching prome cu e festival di canto serca Jufrouw Emilenne Boekhoudt. E show cu Ian ta bay haci riba e stage ta completamente sorpresa pa tur hende. Ian ta gusta baila y ora e subi e stage e ta pone bon ambiente pa su publico y ta keda sorprende su famia cu cuanto energia Ian ta haci su presentacion.
Na e momento nan aki Ian ta gusta scucha Reggae y Billie Ilish. Y ya e ta ansiosamente wardando pa su siguiente festival. Su deseo lo ta pa por competi otro aña a tur 3 festival di Carnaval, esta Roadmarch, Caiso y Tumba.
2019: Categoria 4 -6 aña; Prome luga
2020: Categoria 4-6 aña ; Prome luga
2021: Categoria 4- 6 aña; Prome luga
2023: Categoria 7-9 aña; Prome luga
2024: Categoria 7-9 aña; No a sali den premio
2019: Roadmarch pre-infantil 4-8 aña; Mas popular, Mas disciplina, Best Costume, Rookie of the year y Segundo luga.
2020: Roadmarch pre-infantil 4-8 aña; Mas popular, Best Costume y Segundo luga.
2023: Tumba infantil; Mas Popular y Segundo luga.
2024: Tumba infantil; Rey di tumba y Mas Popular
2019: Merengue Festival di Kiniki; Prome luga.
2021: Festival di dande; Tercer luga.
2020: el a saca un cancion cu e nomber di “Santa Claus Riba Seadoo” y unda despues a traha videoclip di esaki.
Ian no ta solamente gusta canta, pero e ta un mucha cu ta gusta haci hopi deporte. Su deporte favorito ta futbol, e train cu e team di Nacional. Cu 4 aña su mayornan a hinke den coremento. Na aña 2019 el a cuminsa train cu Eagle 297 runner cu Coach Jhonathan Kock y awo e ta train cu Coach Michael Maduro. E ta train core 3/4 biaha pa siman y ta participa full e aña na e diferente competencia nan di coremento. Actualmente Ian ta rank nr 2 den su categoria.
2020 categoria 4-5 aña; prome luga
2021 categoria 6-7 aña; Prome luga
2022 categoria 6-7 aña; Segundo luga
2023 Categoria 8-9 aña; Tercer luga
Den Ian su tempo liber e ta gusta hunga playstation masha hopi mes, y su wega faborito ta Fortnite, su celebrity faborito ta di e wega aki, Mr. Savage. Y Ian su deseo lo ta pa un dia conoce Mr. Savage. Ora Ian bira grandi e lo kier bira un Dokter, pero tambe bira un artista grandi mane Jeon y hunga futbol manera Cristiano Ronaldo, Bezema , Messi, Mbappe, y Neymar.
Built with Shorthand