E campaña nobo di Hennessy ‘Made for More’ ta conta c’un serie di pelicula di e director premia Andreas Nilsson y visualnan filma pa Micaiah Carter - un di e fotografonan di moda den demanda na momento.
13 di Juni, 2024 - Hennessy, e lider mundial di cognac, ta lansa su campaña nobo ‘Made for More’, na april, cu e strea mericano multi-talentoso Teyana Taylor y e actor nigeriano britanico di Breakthrough Damson Idris. Explorando e posibilidadnan infinito cu e spirito versatil ta ofrece, e campaña ta presenta 5 film di mescla unico y 5 cocktail, mustrando con cualkier bebida of ocacion por wordo traha ‘mas’ facilmente ora bo agrega Hennessy.
Hennessy ta conoci pa partner cu icononan y personahenan cultural pa personifica e naturalesa multifacetico di e marca. Pues tabatin sentido cu e marca a conecta cu talento prominente Teyana y Damson cu tur dos ta incorpora e sentido sin esfuerso den e curason di e idea, pa protagonisa e campaña. Bistiendo hopi sombre como actris, cantante, cantautor, bailarina y coreografo - Teyana ta canalisa su estilo y presencia inolvidabel sin problema mientras e ta mescla su cocktailnan. “Un biaha, p'e amor di tur cos di nobo, y nos tur ta stima cosnan nobo. Cu, mi ta super entusiasma pa cuminsa riba e biahe aki cu mi Cognac faborito, Hennessy. Destinacion: fresco, briyante y revitalisante, manera cualkier bon cocktail mester ta.” Y Damson, e antagonista stima di television, mas conoci pa hunga Franklin Saint den Snowfall, ta aparece den e campaña mustrando su banda encantante y ingenioso. Damson ta bisa: “E chens di traha c’un marka asina iconico tabata uno cu mi no por a bisa 'NO' na dje. Ora mi pensa riba Hennessy mi ta pensa riba mi tres rumannan mas grandi, mi ta pensa riba recuerdonan asombroso. E visualnan ta elegante, e peliculanan ta dibertido, e ta magia, e ta cine.”
Diahuebs dia 13 di Juni, Aruba Trading Company hunto cu Hennessy a lansa e campaña aki na Aruba introduciendo e concepto ‘Made for More’ na tur presente. Den un ambiente hopi Avant Garde na Papiamento Restaurant, Mixologonan Yanis Garcia & Gilbert Gomez a presenta varios di e cocktailnan clasico den un twist fresco y dibertido.
A presenta cocktailnan manera e Sidecar, Paloma y Margarita pa menciona algun. E versatilidad infinito di Hennessy mescla cu tur e diferente ingredientenan a trese un perspectiva nobo pa e marca, habriendo e combersacion di tur cu a purba y experencia diferente cocktail na e consepto di, Bida por wordo haci mas cu Hennessy.
Julie Nollet, Global Chief Marketing Officer, Hennessy: “Hennessy ta bon conoci tur caminda pero hende no sa semper con versatil e ta - con e ta trece mas sabor, profundidad y complehidad na tur tipo di cocktail. Nos ‘Made for More’ campaña ta treciendo bida na e nocion aki di 1+1=3, mustrando e posibilidadnan ilimita y introduciendo un otro banda di e marca cu beyesa, diberticion y mente habri. E ta cambia e percepcionnan di e marca y ta construi riba su herencia pa un generacion nobo."
Built with Shorthand