Ethan su bida den deporte a cuminsa danki na e push di su mayornan, cu semper a kere den e importancia di deporte pa un bida saludabel. "Ami mes, nunca a pensa cu mi kier a bira un atleta profesional, el a bin automaticamente pasobra mi a cuminsa stima e deporte hopi." E amor di Ethan pa windsurfing a nace na un edad tempran cu su 9 aña. "Mi a cuminsa windsurf c’un par di amigonan y di eynan, nunca mas mi a mira bek atras.” Inicialmente, Ethan tabata kere cu pa bo ta un bon atleta, bo mester train duro tur dia. "Cu tempo mi a realisa cu tin hopi aspectonan mas cu esey manera logistica, recovery, salud mental, fitness, y tin un bon ekipo."

Ethan a tende di e 21st century skills pa prome biaha via di Qredits. "Prome biaha cu mi a tende di 21st century skills ta siguramente di Qredits. Na prome mi no tabata sa cu mi tabata envolvi den e 21st century skills. Pero mi a profundisa mi mes mas na e concepto y mi a realisa cu mi ta full den dje. Tur e cosnan cu mi a siña den tur e añanan cu mi ta practicando y compitiendo den windsurf ta un forma di siña con bo mester prepara bo mes pa ataca e mundo. Of bo tambe por bisa con pa defende bo mes den situacionnan dificil. Esaki ta skillsnan cu ta super importante pa bo tin y pa desaroya como un atleta of profesional den futuro."

Biahando y competiendo mundialmente a yuda Ethan desaroya skills critico. "Mi ta haya cu e ta cuminsa desaroya ora bo ta cuminsa biaha mas pa entrena y competi na tur parti di mundo. Bo ta wak bo contrincantenan den competencia haci nan cosnan riba un cierto manera y bo ta cuminsa pensa y haci un trial & error riba kico ta traha pa’bo y kiko no. Tur hende ta diferente y tin mas cu 1 manera pa bo yega na bo meta. Mi a realisa cu mas mi por domina e 21st century skills, mas eficiente mi por enfoca riba e detayenan cu lo ponemi avansa den mi deporte."

E experiencia di Ethan a duna y forma su perspectivanan riba bida personal y profesional. "E la influencia'mi den un manera cu cada biaha ora mi biaha bay afo y ora mi bin bek Aruba, mi ta wak situacionnan y momentonan diferente. Mi a caba HAVO y mi a sigui mi caminda como deportista, bisando esey mi no a bay e “ordinary route” cu bo ta bay Hulanda of Merca studia un par di aña y bin bek Aruba. Mi a sigui mi caminda haci 4 aña ‘part time study online’ di Business Management y mi por bisa c’un gran parti di e 21st century skills cu mi a siña ta biahando rond mundo. Te cu awo mi tin un imagen grandi den e mundo di windsurf, por collab y partner cu stakeholders rond di mundo y keda biba e bida cu mi tin pa añanan cu ta bin."

E colaboracion cu Qredits Aruba y IQ Foil Team Aruba a keda inspira pa Ethan danki na nan vision comun. "Nos a cuminsa cu nos proyecto Paris 2024 y nos tabata buscando bon partners. IQ Foil Team tabatin hopi hende envolvi. Nos tabatin hopi meetings cu e grupo di IQ Foil Team Aruba anto ora nos a sera contacto cu Qredits Aruba y nos a logra haya nos first meeting nos a click di biaha. Nos ta un team jong y nos a sinti cu Qredits Aruba a compronde nos vision y nos tambe a wak e impacto cu Qredits Aruba tin riba e futuro “young professionals/athletes'' na Aruba. Nos tambe a wak cu Qredits Aruba ta yuda hopi deportista na Aruba pa nan yega nan meta y nos tambe kier ta envolvi den esey. Cu IQ foil team y Qredits, mi a sinti cu nos tur tabata on the same page y cu nos kier a haci algo special cu ta cualifica pa Olympics y gana un medaya, y motiva e siguiente generacion di profesionalnan y atletanan hoben na Aruba."

Entrenando pa e Olimpiadanan di Paris 2024 a bin cu su retonan. "Mi mester bisa cu tabatin hopi retonan cu nos a topa cune como un team y mi mes como un persona. Un di e retonan ta seguramente presupuesto. Nos semper tabata stress pa esaki. Windsurf semper ta keda un sport cu bo mester inverti hopi. Nos tambe a stress pa basta tempo pa un bon coach. No ta facil pa tin un bon coach den e proyecto aki, pero nos a logra haya un bon. Personalmente mi reto mas grandi di e entrenamentonan di 2024 tabata e fayecimento di mi welo. Mi welo tabata hopi serca cumi den mi carera como windsurfista. El a biaha cu mi y sostenemi hopi den tur e momentonan bon y malo. Hopi conoci den e mundo di windsurf y tambe na Aruba. Pero mi sa cu semper e lo ta cu mi den cada fase den mi bida."

Hydrofoil ta manera bo ta zweef riba e awa c’un velocidad halto. Y bo por bay unda bo kier cu menos esfuerso si bo compar'e cu windsurfing. E ta un sintimento unico y bo por disfruta di bo experiencia riba awa hopi mas. IQ Foil (Hydrofoil) ta un deporte unico den e sistema di Olimpico door di e qualification process den nos competencia. Nos ta competi 5 dia largo y e top 10 atletanan di e 5 dia di campeonato ta cualifica pa e serie di medaya cu ta existi di knockout rounds. Esey kemen cu tur hende den top 10 lo tin oportunidad pa gana e competencia na e ultimo dia di competencia. E sistema "Kinan so ta conta pa nos, IQ Foil y ta percura pa hopi emocion paso hopi cos por pasa na e ultimo dia y bo por drenta den di 10 posicion y sali como ganador."

"E importancia pa ta un atleta cu por controla tur e 21st century skills ta pa bo tin dominio riba mas area profesional cu ta inclui bo deporte. No tene miedo, biaha mas cu bo por, traha riba e 21st century skillsnan aki, haci tur e preguntanan cu bo tin, scoge un bon team cu ta sostenebo den esaki y keda siña di bo trials and errors. Realisa ki tipo di deportista bo ta y kico ta traha p’abo y keda pusha te ora bo yega bo meta."