Aishly Tromp (34) ta defini su mes como un "goal-getter"; un hende cu no gusta para keto. Su pasion pa moda y mercadeo digital a gui’e na creacion di Moxie, un plataforma di e-commerce cu ta ofrece un seleccion unico di paña y accesorio.
E paso pa haci Moxie relevante den moda na Aruba como un negoshi estableci, ta un logro danki na e apoyo di Qredits. Un ‘partnership’ crucial den yuda Aishly como un entrepreneur hoben, yega na su metanan prometedor pa futuro. Esaki ta su storia…
Aishly Tromp ta un persona cu ta pone su meta nan halto, tanto personal como profesional. "Mi ta aspira pa traha duro pa logra mi meta nan, biba un bida trankil pero na mesun momento reta mi mes pa sigui crece," e ta comparti.” Como un mama nobo, su enfasis ta pa ta un ehempel positivo pa su yiu y pa ta presente pa su pareha. Riba nivel profesional, e ambicion di Aishly ta pa ta su ‘own boss’, un viahe cu ya e ta navigando pa algun aña, explorando e mundonan di moda y mercadeo digital. "Mi kier sigui crece den e dos ramo nan aki," Aishly afirma, señalando cu e ta busca desafionan cu ta saca e mihor for di dje.
Su inspiracion a bini for di su amor pa moda y su experiencia educativo y profesional na New York, conoci como e ciudad di moda mundial. E concepto pa Moxie a nace for di e deseo di Aishly pa trece un parti di e vibe aki di moda di New York, pa Aruba. “Na 2015 mi a obtene mi Bachelors degree den Fashion Marketing & Management na New York. Mi a haci varios “internships” (pasantia) den fashion durante mi temporada na New York, y un di nan tabata pa un e-commerce website, unda mi a yuda e mucha muher lanza su website di accessorio. Mi a encanta e concepto asina hopi y mi a pensa “waw esaki lo ta un great concept p’ami haci na Aruba den futuro”. Na Augustus 2019 mi a dicidi di haci e soño aki realidad y asina mi a lansa Moxie.
Aishly a descubri Qredits via social media y a keda impresiona pa e manera con Qredits ta facilita desaroyo pa empresarionan local. Su experiencia cu Qredits ta "fantastico", segun e mes. “Tur cos tabata duidelijk y a bay super liher.” El a aplica pa asistencia financiero y conseho durante un periodo dificil pa e economia mundial; e pandemia di COVID-19. “Mi a lansa Moxie net algun luna prome sin sa con tur cos lo a cambia despues. E tabata un temporada hopi duro pa tur hende sigur, specialmente retail (na Aruba). “Shopping” no tabata esencial pa mayoria hende dus mi a pensa mi no tin nada di perde door di acerca Qredits.” Apesar di e incertidumbre, e sosten di Qredits a permiti pa Aishly no solamente sobrevivi e retonan cu a bin cu e temporada ‘ki, pero tambe pa sigui crece su negoshi. Qredits a duna Aishly tambe e oportunidad como un facilitator pa duna workshops y asina enrikese su carera como un digital marketeer, na otro entrepreneur/negoshinan.
Bo experiencia como facilitator na Qredits mes como un Digital Marketeer?
“Mi a haya hopi great di a keda acerca door di Qredits pa esaki. Public speaking no ta algo cu mi tabata gusta den pasado pero despues di a tuma un reto y participa den E-Aruba na 2018 como un speaker, mi a gusta y sinti hopi comodo pa papia den publico. Y papia di digital marketing ta algo cu mi por haci facilmente. E ta hopi leuk vooral si bo tin un publico cu tin interes y ta participa y esaki tabata precies locual mi a experiencia den e workshops nan cu mi a haci pa Qredits. E ta algo cu mi lo kier sigui haci sigur.”
Ta basicamente e “new way of marketing” y tin di haber cu tur cos cu ta “online”. Hopi hende ta kere digital marketing ta social media so (Facebook y Instagram por ehempel) pero e ta hopi mas cu esey. Esaki por ta social media, pero tambe e-mail marketing, pay per click, influencer marketing, y website management pa mencion algun. Basicamente bo ta uza un of varios di e metodo nan aki pa market bo negoshi/producto online.
Aishly Tromp ta mira su futuro cu ambicion y un plannan cla pa expande su negoshi, Moxie. E ta expresa su deseo pa colabora cu marcanan local, tanto den e ereanan di accesorio como di wellness, reflehando su creciente interes den e ultimo aki. "Mi ta haya leuk pa por ofrece diferente categoria di producto riba Moxie." Ademas, e ta contempla e posibilidad di habri un tienda fisico, creando asina un espacio unda clientenan por experimenta su marca di cerca. Apesar di desafionan, manera e complicacionnan cu shipping internacional y metodonan di pago, Aishly ta mantene su pasion y determinacion pa crece Moxie y explora e mercado internacional. "Mi ta expect di tin e mesun pasion y drive," e ta afirma, destacando su deseo pa adquiri mas experiencia y sabiduria pa asisti otro empresarionan. Su conseho pa exito ta simpel pero poderoso: "love what you do", naturalmente no ta tur dia bo tin mesun animo of drive pero e ta importante pa echt gusta/stima locual bo ta haci, paso bo ta pasa hopi ora den dia ta hacie.”
Bo ta recomenda Qredits na otro persona, pakico?
Sigur cu si. Qredits no ta solamente un instituto financiero, nan ta yuda entrepreneurs conecta cu otro, siña di otro door di ofrece sesion nan di coaching y ta pusha bo negoshi den e mercado local. Mi ta super agradeci na Qredits cu a yuda Moxie crece un poco mas, y tambe pa a dunami e oportunidad di duna workshops na otro entrepreneurs.”
Built with Shorthand