Desde un edad hoben caba, Francceska, “Cheska” Vieira, a sinti un pasion y gana profundo pa conoce mundo. Un deseo cu a hib’e na biaha y bishita no menos cu 58 di e 195 paisnan cu ta existi na mundo. Su aventuranan den 4 continente, a dun’e un perspectiva unico riba diversidad di servicio y innovacion den e industria di turismo.
Di hostels, pa hotelnan di luho te na boutique hotels, el a sa di siña y amplia su comprondemento y aprecio pa e industria di hospitalidad. Awe cu su 33 aña, e ta bek na su cas Aruba c’un gana pa comparti tur loke el a siña den cada un di e biahenan aki. Ki mihor forma cu cuminsa c’un otro biahe unico p’e; habriendo un concepto unico yama “Aruba Boutique Art Hotel.” E vision ta pa crea un concepto fun, interactivo y unico pa nos huespednan, y na mes momento, brinda un plataforma di oportunidad nan pa nos artista nan local den nos mercado di turista. Nos ta hopi excited!”
“Mi ta sintimi hopi bendiciona pa ta forma parti di habri un hotel, den e caso aki di dos y como GM. Door cu mi ta hoben ainda, mi tin hopi pa siña. Habriendo un hotel ta all about making things happen. Bo ta creando, desde cuminsamento. Esaki ta mi di dos biaha den un opening team, pero mi prome biaha como e GM.”
E biahenan di Francceska for di Aruba pa Hulanda, Sur Africa, a trece bek na Aruba, unda awe e ta maneha Aruba su prime y unico boutique hotel di arte. Cada paso den su carera a siñ’e lesnnan valioso. “Semper mi tabatin un ‘burning pasion’ pa biaha y anthropologia. Mi djis kier a conoce nos mundo,” Francceska ta bisa. “Mientras cu ami semper a traha den luxury & upper upscale hotels, durante mi tempo liber, mi tabata “back-pack solo” y tabata hospeda den diferente tipo di lodging, di hostels, Airbnb’s y boutique hotels p’asina amplia mi conocemento mas ainda. Den mi trayectoria completo sea den exterior of Aruba, mi por bisa tin 3 area nan cu a captivami, luho, sostenibilidad y liderazgo. Awendia nos ta pone hopi enfasis riba nos cultura empresarial, paso esey ta impacta e productividad di nos team y e ‘vibe’. E ta hopi importante pa nos como lidernan tin un cultura empresarial fuerte y sa con pa yega na obhetivonan di cada departamento. Como lider, definitivamente nos ta ‘set the tone’.”
“Duna un servicio personalisa y crea un experiencia memorabel pa nos huespednan. Con? Ta atento y nota detayenan chikito y actua riba esakinan. Semper mi ta purba crea espacio y facilita oportunidadnan pa mi ekipo por realisa esaki y laga nan sinti confortabel y encurasha nan pa vocifera nan ideanan. E mihor resultado ta bin door di ideanan mutuo.”
“E prome biaha cu mi horizonte a habri riba e tema aki tabata durante mi estudio na Hulanda. Mi a ripara e importancia di social & environmental impact cu nos tin como organisacion, riba nos cliente nan, empleado nan y medio ambiente. Desde 2015 esaki a keda traduci den e
17 SDG (social development goals). Mi ta purba di impletementa esakinan mas cu mi por.”
“Mi experiencia na Hotel Okura, un luxury Japanese Hotel, tabatin e bunita balans entre Luxury y sustainability - lean management. Semper nos tabata purba como full hotel, continuamente bin cu ideanan pa haci nos proceso nan mas eficiente. Eynan bo ta wak cu hopi biaha ta net e cambio nan cu kizas bo ta pensa ta insignificante, por toch causa un impacto grandi. Hopi biaha, e mihor idea nan of sugerencia ta bini for di e empleado nan cu ta ehecuta e proceso nan diariamente.”
“Aunke mi tin mi estudio, semper ta loke mi a haci den mi tempo liber como extra-curricular activities ta loke a yudami crece y dunami e practica y conocemento cu a habri porta nan pa oportunidadnan.
Tambe, despues di mi prome pre-opening hotel experience, mi a observa un oportunidad pa desaroya mi mes mas ainda. Mi a logra mi certificacion di
ISO Quality, Enviromental y Safety & Health y tambe mi certificacion como internal (organizational) auditor. Esaki ta yuda mi intensifica mi abilidad di crea, restructura of mehora organisacionnan loke a habri un porta pa mi forma parti di e bunita projecto di Aruba Quality Seal hunto cu ATA y Mr Zalewski di QESH services.”
Manehando un team di 25 cu su edad relativamente hoben, Francceska ta mantene su concentra riba crecemento personal y profesional, inspirando otronan pa alcansa nan maximo potencial semper. “Lanta tur dia positivo, yen di energia y c’un curason gradicido. Y pa dia nan menos positivo of menos energia, djes bebe un of dos koffie, matcha late of ginger tea. E punto ta pa bo ‘show-up’, sin importa con bo ta sinti. E ta importante como un lider, pa bo inspira e persona nan rond di bo. Esaki lo haci cu otro personan lo ta e mihor version di nan mes y crece como individuo. Pero na mes momento, bo mester ta firme riba procedura pa mantene structura y orden mientras na mes momento, bo mester tin empatia tambe.”
Francceska a enfrenta desafionan manera “reverse culture shock” y e impacto devastador di e pandemia.Pero el a sa di usa e desafionan aki como combustibel pa sigui lucha “Mi ta kere manera tur hende, e pandemic tabatain un gran impacto riba mi tambe. Tur mi plan nan a cai den otro. Mi mester a bolbe enfoka crea strateginan nobo pa lanta mi mes bek. P’esey, apesar di cualkier desafio, e ta importante pa mantene bo mes resiliente c’un spirito fuerte. Mi ta sinti mi hopi fortuna y gradicido di tin un bon sistema di sosten rond di mi.”
“Un muher su abilidad pa multi-task ta ‘unmatched’. Mi ta sinti cu awendia, nos hende muhernan tin caracter fuerte y un curason balente. Na me momento, nos como muher ta “nurturers” di naturalesa y esey ta haci e combinashon ideal pa ta un lider.
“Just go for it!" Nos ta bibando den un mundo moderno cu hopi oportunidad pa nos hende muhenan cu antes no tabatin. Sea autentico, rondona bo mes cu hendenan cu mentalidad igual y kere den bo mes. Y semper, inverti den bo mes y bo conocemento.
Mi tin dos aspiracion pa futuro. Uno ta pa trece mas structura den e industria di boutique hotel na Aruba y su alrededor. Di dos ta pa nos industria di hospitalidad y turismo na Aruba tin un impacto mas grandi di e SDG goals. Mi ta mira tin hopi oportunidad den e area aki, tanto den hotel nan grandi y chikito.
E mundo di hospitalidad y turismo ta yena di oportunidad nan increibel. E ta keda na abo pa explora y domina nan. Biaha si bo por y siña di mundo y forma bo pensamentonan. Tene un mente habri pero na mes momento, para fuerte den bo virtudnan, paso esey lo ta e compas cu lo guia’bo.”
Built with Shorthand