Tres aña pasa, Celina Oduber, un Logopedista pasiona y profesional, a logra trece un cambio positivo den e comunidad di Aruba. Cu su añanan di experiencia acumula, el a opta pa keda inverti den su isla y su hendenan cuminsando cu su mesun oficina pa comparti su conocemento cu su comunidad. Un logro cu awe e ta comparti e credito cu Qredits, un partner importante den e logro aki. Realmente e tabata despues di a scucha di Qredits na un manera casual, el a dicidi pa investiga mas di kico tur nan ta ofrece y asina a haya e base solido pa tuma e paso y cuminsa cu su propio praktijk, “Oduber Onderwijs en Logopediepraktijk”. E praktijk aki no ta solamente un negoshi; e ta un mision di Celina pa yuda muchanan y mayornan den nan desaroyo di abilidadnan di comunicacion.

“Durante mi estudio mi memoria mas bunita ta mi stage na Shanghai, China. Mi a bolbe Aruba na 2012 unda mi a traha como logopedist na Centro Multidisciplinario, brindando cuido logopedico na 32 scol. E periodo aki a inspira mi pa evalua cua abilidadnan mi lo kier desaroya y a tuma e desafio pa lidera e innovacion di servicionan di Arubalening pa onderwijs na Aruba y exterior. E meta cu esaki tabata pa mira nos team desaroya nan abilidadnan, contribui na oportunidadnan den estudio nobo pa nos studiantenan na Canada, crea un colaboracion entre stakeholders gubernamental y di sector priva, agilisa e proceso di aplica por medio di Arubalening Portal. Esaki ta algun di e proyectonan cu a haci mi periodo na Departamento di Enseñansa uno magico. Na 2021 tabata e intencion pa emigra. Pero a dicidi pa sigui mi curason y kere den e guia cu por brinda muchanan, mayornan y maestronan cu ta experencia desafionan comunicativo. Den e gang na mi cas, Oduber Onderwijs en Logopediepraktijk a wordo crea.”

Durante un ‘detour’ normal cu su yiunan, Celina a yega na refresqueria (Djispi) pa bishita Setty y Suzy. Aki, den un combersacion spontaneo, el a scucha di Qredits pa prome biaha. E momento aki a motiva Celina pa investiga mas tocante Qredits. Despues di esaki, el a cuminsa informa via website y contacto personal. El a haya informacion ‘cla y raspa’ manera e mes ta describi’, pa loke tabata referi e procedura pa aplica y pa cualkier pregunta adicional. E informacion online den combinacion cu e contacto personal tabata un di e factornan esencial pa Celina a ‘take the leap’ y haci su inversion. E relacion cu Qredits a bira determinante pa loke awendia ta su orguyo y alegria, “Oduber Onderwijs en Logopediepraktijk”.

“Den mi trayecto, mi a encontra un cantidad substancial di desafionan cu a brindami e oportunidad pa scoge den ki forma ami lo kier lidera mi trayectora personal y profesional. Momentonan di duda tabata hopi. Pero cu pasenshi, determinacion y sosten di mi sernan keri y Qredits, mi ta sumamente gradicido pa e 3 añanan di Oduber Onderwijs en Logopediepraktijk.”

Celina ta splica cu tur aspecto di lenguahe (lesa, scucha, skirbi y papia) ta impacta dor di vocabulario. Pa por comunica den un manera efectivo cu otro, no por descarta vocabulario. Un vocabulario extenso y diverso ta esencial pa e desaroyo di lesamento. Pa por lesa y compronde, nos muchanan mester conoce 95% di e palabranan den un texto. ‘Vader eet ‘s ochtends een boterham met kaas’ “Cuanto palabra den e frase aki bo ta kere nos muchanan di 6 aña conoce? Diferente estudionan internacional ta demostra cu muchanan c’un vocabulario extenso y diverso ta gosa di nan trayecto educacional hopi mihor. E corelacion entre vocabulario y exito escolar ta obvio! Pero scol no ta e unico factor externo cu por aporta na un vocabulario extenso y diverso. Juist e “thuis situatie” ta un factor externo cu ta impacta e desaroyo di vocabulario. Muchanan cu ta wordo cria rico na palabra, unda mayornan ta papia tur dia cu nan, ta hunga wega tur dia cu nan, ta haya oportunidad pa enrikese nan vocabulario na mes momento. E muchanan ta cuminsa eerste klas rico na palabra.

Aki 5 aña mi ta desea di por brinda na muchanan, mayornan y educadornan, hermentnan practico y den un forma creativo. Pa logra esaki recientemente mi registra pa participa na OSTAD 200 Inc. di Impacthub. Brindando cuido logopedico na personanan cu pa motibo di malesanan neurologico (Stroke, Demencia, Parkinson etc.) no por come ni bebe safe mas y/of ta experencia desafionan comunicativo.”