Dia 26 di maart a tuma luga un evento special, marcando un momento importante pa
New India Assurance Aruba. Den presencia di brokers, clientenan, partners, miembronan di ekipo y demas invitadonan special, a haci inauguracion oficial di e edificio nobo di New India Assurance situa na Camacuri.

Durante e 60 añanan di existencia di New India Assurance na Aruba, e compania a conoce diferente localidad, cuminsando na San Nicolas, despues Paardenbaaistraat y ultimamente na J.E. Irausquin Boulevard. Cada un di e pasonan aki tabata dirigi pa progreso y desaroyo. E mudamento pa e edificio nobo na Camacuri no ta un excepcion. E edificio nobo ta representa crecemento y innovacion y ta permiti New India Assurance Aruba pa sigui avansa.

Alabes e edificio nobo ta celebra y honra e personanan cu a inculca e principionan di servicio, lealtad y dedicacion den e compania. E edificio ta conta cu diferente homenahe, por ehempel e Bally Lodge Meeting Room, dedica na Cherbunus Raghunath y Iwan Raghunath den feliz memoria, cu nan sapato iconico marca Bally tabata reuni na lodge y dedica nan tempo na desaroyo personal y servicio na comunidad.
The Bald Nest Meeting Room tambe ta un recordatorio di nan coco pelon cu tabata resultado di tanto grawata cabes ora di pensa y deal cu e stress di trabou. E hardin, The Garden of Joy, ta recorda Joy Raghunath den feliz memoria, y su amor pa naturalesa y arte, cu tur aña e tabata comparti atraves di e kalendernan di
New India Assurance.