Naci na Aruba y lanta na Hulanda, Kim a descubri su pasion pa arte desde mucha caba. "Apesar di tabata hopi timido, arte tabata mi manera natural di expresa mi mes," Kim ta comparti.
E influencia di su niñez, combina cu su amor profundo pa su isla natal, a inspir'e pa sigui un caminda creativo, unda e ta explora su identidad y expresa e rikesa di su herencia Arubiano cu ta haci Kim digno ta e BOS DI NOS TERA.
E tabatin 15 aña ora cu el a pinta su prome pintura acrilico. Desde su adolescencia, Kim a experimenta cu varios estilo di arte, incluyendo pop art y arte abstracto, pero semper a bolbe na e personahenan colorido y expresivo cu ta caracterisa su serie "I am". E experimentonan aki for di trempan, a influencia su obra actual, unda e ta uza medionan mixto pa crea imagennan cu ta captura e spirito vibrante di Aruba y su hendenan. "Mi ta pensa cu e personahenan aki por keda considera como mi muses," Kim ta refleha.
“Mi a crece na Hulanda y mi tabata haya hopi falta di Aruba. Nunca mi por a sinti mi mes na cas na Hulanda. E tabata gusta Hulanda den zomer pero pa e resto di e aña, e tabata haya tur cos poco grijs y deprimente mientras cu su arte ta full contrario. Mi arte semper tabata hopi colorido, mi ta kere cu tabata mi manera di escape for di e ambiente grijs rond di mi.” Aparte di esaki, Kim ta conecta su obranan di arte cu quotes poëtico of un cantica y laganan uni. “Tambe mi ta encanta biaha y conoce diferente culturanan. Mi ta pone hopi di mi experiencianan di biahe bek den mi arte.”
“Mi tabata traha pa un compañia di Telecomunicacion como un account manager pa 9 aña. Mi tabata gusta mi trabou pero mi tabata sinti cu mi no tabata biba na mi maximo potencial. Tambe mi no por a combina ambos. Mi ta agradecido pa e bida aki y mi gusta pasa mi tempo haciendo cosnan cu mi ta stima. Asina mi a laga tur cos ora mi tabata 33 aña pa persigui e soño aki. Mi a bende mi cas y auto y a keda sin trabou. E no tabata y ainda no ta facil pero e tabata e mihor decision di mi bida. Mi a traha na Amsterdam pa un aña como un artista y despues a biaha na Asia pa 3 aña cambiando arte pa estadia y cuminda gratis.
Heading
Writing is a medium of communication that representsanguage ough the inscription of signs and symbols.
Bek na Aruba desde 5 aña pasa, Kim ta mira avanze y desafio den e mundo di arte na Aruba “E problema na principio tabata cu no tabatin hopi galerianan pa expone of bende bo obranan di arte. Pero, danki Dios mas y mas galerianan y tiendanan a cuminsa bende arte cual ta hopi positivo. Un desafio cu ainda ta existi ta cu e materialnan ta hopi caro y limita. Tambe, pa exporta piezanan di arte mas grandi, e ta hopi caro.”
Asina mes Kim ta reconoce cu mas y mas tin interaccion cu e turistanan, cu kier arte originalemente di artistanan di Aruba. “Por ehempel, e tour di mural na San Nicolas ta un gran deleite visual tanto pa localnan como pa turistanan. Y e ta duna oportunidad na artistanan internacional y local pa expresa nan mes y laga nan trabou keda tuma na cuenta. Mi benta personal ta subi y baha mensualmente. Arte no ta un necesidad pa hende, pues si tin un pandemia of problema den mundo, un artista lo nota esaki mesora den su entrada.
Cu e apertura di su propio estudio di arte na San Nicolas, Kim a logra realisa un soño importante realisa den su carera. “Mi ta sigur cu mi lo florese y mi trabou lo evoluciona y mehora cu mi ambiente actual. Su mihor conseho pa artistanan aspirante; Kere den bo mes y no laga ningun desordu externo domina bo mente. Na principio di mi propio viahe den arte, mi no a ricibi mucho sosten for di esnan rond di mi. Tin un gran stigma rond di e artista sin placa. Busca bo propio voz y bo propio estilo door di purba diferente estilo di arte. Djis sigui bay dilanti, planta e simiya c’un dia bo lo cosecha. Exito no ta logra den un dia. Tur cu a dicidi pa sigui nan pasion, a topa cu hopi rechazo. Esaki ta solamente un bendicion pasobra un dia bo lo ta gradecido pa e frutanan di bo trabou.”
Built with Shorthand