“Mi no sa dicon, pero ora mi tabata na estado, mi tabata sinti cu mi “Cosho” lo ta bay tin algo di haber cu landamento, aunke no ta algo cu nos mes ta practica como famia. Desde baby caba, Luis Mario a participa den survival baby classes den pool. Segun el a sigui crece, el a progresa den landamento obteniendo tur su diplomanan di zwemmen ya cu nuebe aña caba. Awendia, Luis Mario ta un landador dedica, compitiendo local y internacionalmente y entrenando intensivamente tur dia, 9 biaha pa siman, casi 18 ora di training, di pool pa pool, semper cu su mama banda di dje.

Diandra su apoyo incondicional ta esencial. “E mesun pasion cu Luis-Mario ta hinca cada dia pa su deporte ta mi motor pa sigui pushe cada dia mas fuerte pa e yega su metanan, su soño. Cada biaha cu mi bahe na les, busk’e bek, of prepara pa un competencia, nos ta cuminsa brainstorm kico ta the next best move, planea su alimentacion, y wak con convenci y structura e ta cu e por logra su metanan, p’ami, esey ta mi mihor motivacion," Diandra ta splika.

“Cualkier deporte of actividad extracurricular ta casi indispensabel pa un mucha su crecemento. E obhetivo principal ta cu cada mucha disfruta y siña y desaroya abilidadnan dor di construi relacionan positivo y crea un bida saludabel. Nan mester ‘have fun’ y sinti cu su famia ta eynan pa apoye den tur momento. Deporte ta importante pa por tin un estilo di bida saludabel, c’un impacto positivo den e salud fisico y mental di e muchanan. Nos tin cu apoya y inculca esaki mas y mas den nos muchanan.”

Luis-Mario su plan pa futuro ta sigui desaroya su mes riba nivel atletico y escolar, actualmente e ta enrolled den e NCAA student program p’asina e por yega na un scholarship y asina studia pa su carera profesional combinando su pasion di landamento, y como mama mi ta bay ta para su banda pa e por logra esaki.”