Originalmente di Corsow, Sandro a yega Aruba na Oktober di 2001 c’un meta cla: crece riba e tereno cu e conose y ta domina bon cual ta benta. Pa shete aña, el a traha duro cu Yellow Pages, unda su trabou di benta a dun’e oportunidad pa conoce hopi companianan y hendenan na Aruba. Pero durante e periodo aki tambe, Sandro a nota algo peculiar: apesar cu Aruba ta un isla hopi social unda cu hendenan ta gusta tene fiesta y eventonan, toch e no tabata asina facil pa yega na companianan pa yuda den organisacion di fiesta of eventonan.
“Aunke mi a tarda si, pero na 2011, cu placa limita cu mi a spaar, mi a cumpra poco poco, algun stoel cu mesa. Despues mi a pone un anuncio den e parti di “ta busca/bende” den corant c'un simpel potret di un stul cu e mensahe abou:
"FOR RENT / STOEL PA 1,- Florin.”
"Mi a registra mi compania na Camara di Comercio un luna despues y asina mi crecemento, modesto pero constante a inicia,” Sandro ta conta.
Manera hopi biaha ta pasa, e cuminsamento no tabata facil. Sandro tabata traha duro pero cada ganashi mester a keda inverti bek den su negoshi chikito.
“Pa hopi aña mi a traha 2 trabou pa por a mantene mi famia. Dado momento, mi tabata hasta haci delivery di pizza pa por logra cumpli cu tur cos.
Awe e inicio aki a materialisa den su compania yama Aruba Via Rentals, cu e apoyo incondicional di mi casa.”
“E motibo principal cu mi a cuminsa cu e negoshi di Party Center ta pa por genera mas entrada. Semper nos a biba krap y mi tabatin e miedo di no por a provee mi famia tur cos cu mester, esaki vooral ora mi prome yui a nace na 2004," Sandro ta splica. E prome cambio significativo sinembargo a bin na 2019, c’un oportunidad nobo pa tuma over La Comodidad, un compania di ‘party rental supplies’. Ya for di final di 2018 mi a haya sa cu La Comodidad, un compania familiar di ‘party rental supplies’ lo bay sera su porta despues di mas cu 60 aña na Aruba y cu e yiunan mes no tabatin interes pa sigui den e ramo di negoshi aki.
Aki, Sandro a mira un oportunidad unico pa su mes.
“Tempo di ARUBA VIA RENTALS mi a traha hopi cu señora defunto Cathy Arends di la Comodidad, un persona hopi cariñoso cu hopi amor y pasenshi cu tabata yuda su clientenan cu tur cos. Mi mes a bay varios biaha cerca dje pa tur tipo di cos pa e negoshi y semper nos tabata yuda otro. Despues cu señora Cathy a fayece na 2016, y un combersacion cortico cu mi casa, nos a dicidi di purba cu ta hopi riesgoso pero toch ta ‘vale la pena’ pa purba y tuma e compania over, inventario y empleadonan.
E doño a accepta e propuesta. Esaki tabata e momento cu mi a acerca Qredits pa e posibilidad di financia esaki y pa mi sorpresa, esaki a bay hopi facil.
Despues di a pasa e cifranan, Qredits a aproba y den 8 siman mi tabata cla cu e compra di e compania. Na April 2019 mi a tuma e compania over cu tur su empleadonan. Qredits a yuda mi no solamente financiero, pero tambe cu conseho y guia durante e proceso complica di tuma over un negoshi existente.
Mientranto 1 aña despues di a cumpra e negoshi, Covid a ‘hit’. “Covid tabata hopi desastroso pa nos ya cu como party center, practicamente nos tabata sera pa 1 aña y 3 luna sin por a huur practicamente nada," Sandro ta declara. E pandemia tambe ta e motibo cu mita di mi empleadonan a bay y cu despues ta 1 so a keda te cu awe. Pa por a supera e pandemia mi casa a bin cu un idea pa por bende cuminda y di esaki nos a sobrevivi casi 1 aña di dje te ora nos por a draai un tiki cu e negoshi bek. E apoyo continuo di mi esposa y e ahustenan strategico a yuda nos sobrevivi e pandemia.
“Mi a Tende di Qredits pero nunca a pensa di a contacta nan den pasado pasobra semper mi tabata bay mi banco unda mi tabata fia” Sandro ta bisa cu tur honestidad pero e bon fama di Qredits a pone dicidi otro. ”Ora mas mi tabata scucha con Qredits ta yuda su clientenan, ta unda esaki a gara mi atencion. Nan no solamente ta fia bo placa pa habri negoshi pero ta guiabo tambe con pa draai bo negoshi y planea bon con pa mantene financieramente responsabel. Esaki p’ami tabata hopi importante pasobra responsabilidad lo subi 1000% .
For di prome biaha cu mi a drenta Qredits mi tabata sintimi manera sigur y cu e probabilidad halto di por a traha cu nan. Claro haciendo mi parti y despues di e rekisitonan, tur cos a bay super smooth. Qredits Aruba su ekipo ta the best.” Mientras cu Qredits mayoria biaha ta financia companianan nobo of existente pa yuda crece esakinan, den caso di Sandro tabata otro. Aki tabata trata di tuma un compania ya existente over. “Esaki no ta sosode mucho pero despues di pasa over di e cifranan di La Comodidad di e ultimo 2 añanan Qredits tabata convenci cu locual mi kier a haci cu e compania y modernise lo bira un exito sigur pero cu hopi trabou su tras.
E aprendisahe cu Sandro a adkiri desde cu el a haya e sosten di Qredits, ta bay mas leu cu un sosten financiero. “Cu Qredits durante compra di mi negoshi, mi a siña hopi con pa organisa y evalua negoshi y planea adelanta. Qredits a dunami un pausa di pago pa 12 luna durante pandemia y esaki a yuda hopi mes pa por tin un mente trankil. Qredits t’ey pa e entrepreneur y mi por bisa esey cu hopi orguyo.
"Sin Qredits lo mi ta entregando pizza ainda of haciendo un otro trabou di sales ainda.
Awor pa Januari 2024, mi ta planeando pa expande mas ainda cu compra di 1 truck mas y inventario nobo. Desde cu mi a tuma e negoshi over mi no a traha solamente riba mehoracion di e producto pero tambe mehoracion di e forma con pa yega na dje. Cu nos website nobo cu lo sali na 2024 lo por mira nos inventario completo, prijs di huur, ideanan pa cu eventonan y lo por order online mesora of puntra pa un quote.
“Pa bo tin un negoshi, bo mester tin hopi pasenshi, keda positivo y ora cos ta ‘slow’ prepara bo mes semper pa e temponan cu lo ta druk. Y por ultimo, cumpli cu bo cliente. Si bo sa cu e ta ‘haalbaar’, no tene miedo, traha un tiki mas duro y lo bo keda bon recompensa. No mester tin miedo di traha.”
“Qredits ta e compania number 1 pa aserca ora di lanta un negoshi. E guia cu bo ta haya for di nan ta inigualabel, nan ta yudabo crece den bo negoshi pues p’ami, no por compara cu Banco Local”
“Danki Qredits”
Built with Shorthand