Nizana ta cuminsa su entrevista bisando. Momento cu el a bira mama cu 39 aña, e cambio den su meta y prioridadnan di bida tabata natural. E noticia cu e tabata sperando yiu tabata un sorpresa, pero no inespera, ya cu e y su pareha, Silvio Bufalini, a dicidi cu nan lo kier un yiu pa completa nan "team". Ora cu el a haya sa cu e ta na estado, Nizana a trece e mesun dedicacion y disciplina cu e tin den su bida profesional y deporte, den su embaraso. “Mi a keda practica coremento te cu mi di 7 luna di embraso y fitness te na mi di 8 luna. Cu mas motivacion y motibo pa hiba un bida saludabel, sabiendo cu ami mester ta bon paso di e momento cu bo haya sa bo ta na estado, e no ta solamente abo so mas.”
UN MAMA PROFESIONAL
UN MAMA CU TEMPO?
Awo cu e ta mama, e ta sinti cu e tin mas proposito pa ta un bon hende y pa haci bon. Nizana ta kere cu e rol di mama ta hopi importante den e crecemento di un yiu y cu e balansa entre trabou y cuido di mucha durante e prome añanan di bida di su yiu, ta esencial. “Mi ta un persona cu semper a kere mas den harmonia cu den balansa. Den balansa tur cos mester tin un parti igual. Den harmonia, e elemento nan ta complementa otro. Maske claro e lo ta ideal si bo por ta un "full-time" mama sigur pa e prome aña di bo baby, e realidad ta diferente.
Pues den mi caso, mi ta dedica tur momento cu mi no ta na trabou cu mi yiu y mi ta zorg pa e oranan aki ta completamente dedica na dje. Locual nos no tin na cantidad di ora, nos tin na calidad di ora. Mi tin cu admiti cu e parti mas duro pa mi no tabata e embaraso of e parto, locual a tuma mi completamente di sorpresa ta e parti di breastfeeding. E ta gewoon un full-time job. Mi ta haci'e cu hopi amor, pero e ta rekeri hopi energia, disciplina, y dedicasion. Vooral, ora ta yega na bay traha bek y switch pa "pumping". Tambe, paso unda cu bo ta, sin importa kiko bo ta haciendo bo tin cu "drop" tur cos y bay "pump". Den mi caso, mi no a yega na produci suficiente pa duna Lucas 100% lechi di pecho, pero cada gota ta conta. Lucas ta haya 70-80% lechi di pecho y e resto ta formula. Pues e ta hopi facil eigenlijk pa quit y just bay over na formula. Pero, cada biaha cu mi pensa riba tur e beneficionan cu e lechi tin pa Lucas, e ta dunami animo pa sigui.”.
Mi ta sinti cu mi bida a cambia pa miho, el a haci ami mas soft, mas gentle, mas determina, y sigur mas madura. Berdad cu tin dia duro (pero dia duro semper tin den bida), after all mi ta responsabel pa un bida humano awo, pero e ta e miho experiencia ever. PS: aworaki mi ta tuma mey ora 3 biaha pa siman pa mi coremento, pues ainda mi ta core!
Tur hende, durante transcurso di mi bida, ta semper bisa "bo no ta bay por tin e mesun lifestyle", "un yiu ta cambia bo bida", "warda ora bo tin yiu, bo no ta bay…." y esun mas popular cerca mi "lubida coremento". Pues semper toch c’un tono negativo of manera "rampzalig". Haya un yiu a pone mi realisa un solo cos: bida ta simplemente magico!
E lazo cu tin entre Nizana, su mama y rumannan ta hopi fuerte, y e presencia di nan den su bida ta un parti esencial den e proceso di bira mama. E ta sinti cu norma, balor y fe ta timeless, y e ta planea pa lanta su yiu cu esakinan como su base. “Mi ta sinti bendiciona cu mi tin un famia hopi 'supportive' y cu mi por conta riba nan pa tur cos.”
Como un profesional exitoso y atleta dedica cu a bira mama, Nizana ta kere cu e fortalezanan unico of cualidadnan cu e tin ta proposito y dedicacion. E ta spera cu su experiencia lo inspira y fortifica nos lectornan cu por ta enfrentando cambionan similar den bida. Si e por a bay bek den tempo y duna su mes un conseho prome cu bira mama, e lo bisa: "Relax, y confia den bo mes.
Confia y sigui bo instincto, solamente abo por sinti y sa kico ta bon pa bo baby y pa bo mes. No laga social media influenciabo, ni mucho menos rush bo, pa nada! Bo ta bay wak mama nan cu despues di corto tempo ta bek na nan rutina normal, of bo ta bay topa mamanan cu juist no. Abo tin cu haci locual ta sinti bon p’abo y bo baby, paso e ta e unico cu ta importa!
"Relax y confia den bo mes"
Built with Shorthand