Mercát cu ta nifica ‘mercado’ den e idioma Catalan papia na Spaña, ta trece un variedad nobo di sabor, color, y gusto na tur local y huesped cu ta cla pa deleita den un concepto di comparti; perfecto pa famia y amigonan!
Nos menu ta consisti di platonan perfecto pa comparti, entre otro ‘Greek Fried Zucchini Chips’, ‘Cannelloni’, ‘Mussels Provençale’, pa menciona algun. E menu tin un variedad grandi pa tur gusto y tambe pa si bo kier comparti (of no!).
E tononan blauw den e restaurant ta representa e awa y costa Mediterraneo, e colornan neutral ta permiti un experiencia gastronomico trankil y eleva, mientras e bentanan grandi den e restaurant ta crea e oportunidad pa disfruta di e bunita bista di e lama Caribense. Mercát ta ofrece platonan cu ingredientenan fresco y cu influencia di Spaña, Italia, Libanon, Morocco, y Grecia.
Segun nos Director di F&B pa e compleho, Kristofer Bremstrom, e vision pa Mercát ta pa nos localnan y huespednan sinti nan mes invita na un espacio caminda por haya tur loke mester for di mainta te anochi, por ehempel, buscando un coffee organico fresco durante mainta, un ‘cocktail’ of ‘spritzer’ durante e atardi, y tambe deleita den un cena cu sabornan nobo y agradabel mas anochi. Manera Mr. Brestrom ta expresa “e diversidad di nos hotel ta algo cu nos local y huespednan ta encanta, y nos ta ansioso pa awo por introduci y brinda sabornan Mediterraneo na e portfolio di e restaurantnan ariba propiedad”.
Pa esnan cu e encanto ariba un bon bebida acompaña pa su pasa boca, Mercát su aperitivo ta e actividad perfecto!
Pasa serca nos di Dialuna pa Diasabra, durante oranan di 5PM – 7PM, disfruta di un gran oferta di $25 cu ta inclui 2 cocktails acompaña pa un aperitivo pa comparti. Ariba Diabierna por gosa na e tononan di nos DJ, creando un ambiente perfecto pa despues di un siman di trabou!
Join nan pa Brunch for di 11 AM – 2 PM tur Diadomingo, cu ta inclui prosecco ilimita, tur loke bo ta encanta pa desayuno, ‘action stations’, ‘carving stations’, un variedad di seafood, pasta, pizza y hopi mas pa deleita e paladar y disfruta di tur e sabornan cu Mercát tin pa ofrece.
Haci bo reservacion y biaha pa Mediterraneo yamando +297.520.6312 of busca nos via OpenTable.
Aruba Marriott Resort & Stellaris Casino ta consisti di 414 camber, cada un cu un balcon priva y grandi cu mirada di sea e lama Caribense, hardin berde y bunita, of tambe e pool cu su swim-up bar.
E propiedad ta conta cu 10 restaurant y bar, entro otro e famoso Ruth’s Chris Steak House, Starbucks®, como tambe nos restaurant riba beach, Atardi. Stellaris Casino, e casino mas grandi na Aruba, Mandara Spa, y e Fitness Center ta haci cu nos huespednan semper por conta cu un diversion amplio ariba nan vakantie. Pa mas informacion, bishita nos website www.arubamarriott.com
Built with Shorthand