Tur cos a cuminsa despues di un aña den e deporte. Mi a gusta con e sport ta un manera pa sera conoci cu diferente personanan, algun di nan kisas cu nunca bo lo pensa lo ‘fit’ den bo bida, pero cu despues toch ta termina na bira un di e impacto nan mas grandi.
"Mi mes a traha na un CrossFit gym pa 6 aña, cuminsando na bali, despues mi a cuminsa dunando 1 les pa dia y sigui pa e posicion di 'Head Coach’ full time. Cu e decision pa habri mi mesun gym ta un forma pa ‘give back’. Ami a haya hopi sosten di e deporte tempo cu mi a competi y bay representa Aruba. Dus pa por habri mi mesun luga pa yuda otro nan cuminsa of sigui logra metanan personal, ta un di e logronan grandi te cu awo."
"Mi a scoge Qredits pasobra nan tin herment y ‘coaching possibilities’ pa yuda empresarionan nobo. Nan a yuda mi con mi 'startup', proveyendo sosten financiero pa cumpra e ekiponan necesario pa mi gym, den un manera economico."
"Un di e desafionan tabata pa haya e espacio adecua. Nos mester cuminsa midi y regla tur loke ta necesario pa un gym. E tempo pa habri tabata durante fin di aña, loke a haci e buskeda pa contratistanan un poco mas dificil. Pero, nos a keda pusha y busca solucion na cada un dificultad cu nos a enfrenta.”
"CrossFit ta yuda hende 'clear nan mind' durante entrenamento. Esaki ta inclui tanto e aspecto fisico como e aspecto social, cu ta promove bienestar mental y fisico. Ora di drenta box, tin e aspecto fisico cu ta yuda cu esaki, pero sigur nos tin un comunidad den Crossfit cu ta yuda, sea den e parti social di un hende y cu hende por conecta cu otro. Nan ta papia cu otro tocante problema of juist papia cu otro pa lubida problema nan."
“Busca informacion di hende nan cu tin nan mesun negoshi caba. Djis pa bo tin un idea kico ta sperabo y kico tur bo tin cu tene cuenta cune. Esaki claro Qredits ta bay yudabo cune, pero e ta mas pa prepara bo mes mentalmente y pa bo sa sigur si esaki ta loke bo kier. Maneha bo mesun negoshi ta bin cu su sacrificionan, pero si bo ta stima loke bo ta haci, e no ta bay ta un problema. Bo tin cu djis busca e forma pa laga tur cos funciona. Esaki lo por cu ayudo di bo amigo- y contacto nan y sigur cu Qredits.”
"Darrell su vision ta pa inclui tur hende den e deporte aki, for di mucha te cu adulto mayor. E ta traha duro pa cambia e imagen di CrossFit y demonstra cu e ta accesibel pa tur persona."
"Si bo tin un soño di cuminsa cu bo propio negoshi, djis haci’e. Qredits lo yuda bo cu cada paso y lo conseha bo riba bo idea. Nan lo yudabo haci adaptacionnan necesario pa sigura cu bo negoshi ta exitoso."
Built with Shorthand