Un Coneccion Fortaleci
Aeropuerto di Aruba, Aeropuerto Internacional Reina Beatrix (AUA Airport), den colaboracion cu Aruba Tourism Authority, A.T.A. ta celebrando e noticia grandioso: LATAM Airlines a dicidi pa aumenta e frecuencia di su vuelonan directo for di Lima pa Aruba (LIM-AUA).
E expansion aki ta un prueba di e lazo creciente y e necesidad pa mas vuelonan entre e dos destinacionnan turistico prominente.
E servicio amplia lo cuminsa na Juli 2024, cu vuelonan adicional cada Dialuna - un adicion na e itinerario existente di Diasabra, Diarason y Diadomingo.
E crecemento aki ta refleho di e demanda popular pa e ruta LIM-AUA y e satisfaccion cu e servicionan di LATAM.
E strategia aki di LATAM Airlines, expandiendo nan orario, ta pa satisface e demanda creciente y pa brinda mas flexibilidad y opcionnan pa e pasaheronan. Cu e intencion pa conecta no solamente Lima y Aruba, pero tambe pa fortalece e rutanan na otro destinacionnan den Sur America, incluyendo Argentina, Brasil, Chile, Paraguay y Uruguay. E datonan actual ta mustra cu e trafico aereo for di Lima ta consisti principalmente di pasaheronan for di
Peru (40%), Chile (30%), Argentina (25%), y Brasil (5%).
Peru (40%)
Peru (40%)
Chile (30%)
Chile (30%)
Argentina (25%)
Argentina (25%)
Brasil (5%)
Brasil (5%)
"Nos ta sumamente orguyoso di e expansion di servicio di LATAM Airlines. E meta di nos aeropuerto semper tabata pa mantene conexionnan strategico y sigura sostenibilidad a largo plazo di e ruta aki. Aruba su dedicacion pa conectividad y hospitalidad ta sin duda refleha den e esfuerso continuo aki"
Dentro di seis siman di e vuelo inaugural, LATAM Airlines ya ta respondiendo na e necesidad di mercado c’un di 4 vuelo semanal for di Lima. E incremento aki ta resalta e esfuerso di marketing y promocion cu A.T.A. y su partenarionan na Aruba cu a keda implementa. Desde e comienso di 2023, A.T.A. y su socionan tin e trabou duro pa lansa campañanan de benta, concientisacion y pa stimula demanda. E resultado positivo ta un prueba di e compromiso colectivo pa mehora conectividad y promove Aruba como e destinacion preferi.
A.T.A. ta planeando pa continua su esfuerso pa crece e presencia di Aruba den e mercado di Cono Sur di Sur America, como parti di su strategia di diversificacion.
Detaye di Vuelo:
E ruta amplia Lima-Aruba lo opera cuater biaha pa siman, c’un avion modelo A320 cu por acomoda te na 174 pasahero. Pasashinan por keda reserva online via LATAM su website of por medio di bo agente di viahe preferi. E servicio nobo lo ta disponibel pa reservacion na final di e luna aki.
Orarionan di Vuelo:
AUA-LIM | Salida: 6:45 PM - Yegada: 9:40 PM
LIM-AUA | Salida: 12:00 PM - Yegada: 5:05 PM
"Nos ta prepara pa lansa mas campaña di marketing innovativo y posicionamento di destino, dirigi pa segmentonan de balor halto den ciudadnan clave manera Santiago de Chile, Buenos Aires, y Sao Paulo,"
Archivo:
2 di December 2023
INAUGURACION PROME VUELO
"Aruba"
Lima
Lima, e capital vibrante di Peru, ta situa solamente cuater ora di vuelo for di Aruba.
E ciudad ta un mecca pa aficionadonan di cultura, arkitectura historico y gastronomia. Como e portal pa Peru, Lima ta mescla modernismo cu tradicion y ta invita tur explorado pa descubri su maraviyanan.
LATAM
Como un gigante den e industria di aviacion, LATAM Airlines ta reconoci pa su servicio de calidad halto y su red extenso atraves di e continente Americano. E aerolinea ta facilita un experiencia de biahe sin igual, sigurando acceso na e varios destinacionnan interesante den Sur America.
Built with Shorthand