Tur soño por bira un realidad, pero ta rekeri esfuerso, conocimento y hasta haya e guia necesario. Jonathan Dañe ta bibando esaki desde cu el a forma parti di e proyecto di AGRI Business, un programa cu a dune e hermentnan cu e tabatin mester, pa actua y materialisa na un idea, cu tin un nificacion special p’e ya cu e ta bay den e generacion prome den su famia.

E JOURNEY:

“Despues cu mi a bolbe Aruba, mi a purba di tin un estilo di bida activo. Mi tabata practica di beachtennis pa core distancia. Semper mi a sinti mi bon ora mi ta pafor y den naturalesa. Mi welo tabata un cunukero y e welo di mi mama tambe tabata un cunukero. Pues p’ami, mi ta pensa pa mi ta un cunukero ta algo cu ta core den mi sanger. Mi sa cu mi ta un persona cu hopi energia, mi no por sinta keto pa largo. Pues ora mi ta activo y productivo, ta e momento cu mi ta sintimi mihor. Ta pa un paar di aña caba mi ta hopi concentra riba mi ‘personal development’, cu e meta pa genera mas entrada y lanta mi mesun compania y pa por traha riba mi mes. Mi pensamento ta “si mi traha pa mi mes mesun duro cu mi ta traha pa otro, definitivamente lo tin exito. Dus di eynan e idea pa cuminsa cu mi mesun concepto di negoshi a nace. Jonathan ta produci 8 microgreens cual e ta bende na hendenan individual y negoshinan na Aruba.

CON JONATHAN LO ADAPTA NA TA UN HOBBYIST PA UN AGRICULTOR COMERCIAL

AGRI Business Academy a pusha mi pa traha y ehecuta mi plan. Asina mi a logra trece bida loke tabata djis un idea. E curso aki ta dunabo tur e herment nan necesario pa por acerca inversionista c’un business plan, financial plan y un marketing plan den bo man. Pues, bon prepara.
Hopi biaha mi a busca online con pa traha un business plan pero mi nunca no por a logra na haci uno. Cu e AGRI business academy mi a siña haci esaki, stap pa stap y prome cu mi por a imagina, mi tabatin un business plan traha, den mi man.”

AGRI Business Academy tin un duracion di 12 siman y ta encera entre otro les nan teoretico y practico guia door di expertonan local y internacional y ta inclui diferente bishita na agricultornan comercial na Aruba. Durante e programa tur participante ta haya e hermentnan esencial pa crea nan propio plan di negoshi. Na final, e participantenan ta presenta nan idea dilanti un panelista y nan ta ricibi nan certificado como cu nan a completa e programa AGRI Business Academy.E prome AGRI business Academy a finalisa exitosamente cu 20 participante y na Mei 2023, un segundo grupo di AGRI Business Academy lo cuminsa cu e programa aki.

IMPACTO AGRI BUSINESS RIBA JONATHAN:

Impact di AGRI Business pa agricultura y/of agricultor na Aruba: “Sigur sigur e lo tin un impacto positivo riba e sector di agricultura. E ta un inversion cu ta wordo haci den e comunidad di Aruba cu lo saca fruta mas den futuro pa Aruba mes. Un tremendo iniciativa di Qredits, Minister Ursell Arends y Minister Geoffrey Wever.”

AGRI BUSINESS

AGRI Business Academy

AGRI Business Academy

AGRI Business Academy

AGRI Business Academy