El a cuminsa como un simpel idea entre grupo di colega di aeropuerto cu tabatin un vision, e gana y compromiso pa logra yega na un concepto di nivel halto pa Aruba su aeropuerto priva (Fixed-base Operator), JET-TNCA. Despues di a presenta nan idea y haya e sosten, nan a pone man na obra y un aña despues 2023, a habri porta di aeropuerto priva bou maneho y pa prome biaha, bou operacion lider di Aruba Airport Authority N.V. (AAA). Despues di 1 aña di un operacion exitoso, tabata e momento pa celebra esaki den un forma special dia 21 di februari 2024, c’un evento inaugural den e terminal di aviacion general di Aeropuerto di Aruba.
Invitadonan cu a reuni pa e celebracion aki, por a experencia e nivel di servicio cu nos aeropuerto priva tin como su mision. For di nan yegada, por a mira cu tabata un evento importante, un celebracion berdaderamente di un aña di operacion exitoso di e aeropuerto priva (Fixed-base Operator), JET-TNCA .
E evento a conta cu presencia di diferente orador prominente, manera e Minister di Turismo y Salud Publico, Dangui Oduber, Director of Commercial Operations, FBO Sales Caribbean na World Fuel Services, Sneider Melendez, y CEO di Aruba Airport Authority N.V., Joost Meijs. Cada un a subraya e importancia di e rol di JET-TNCA pa mehora e panorama di aviacion di Aruba y pa fomenta excelencia den prestashon di servicio.
"Pa expresa gradicimento, a honra Minister Oduber y Sneider Melendez cu e logo emblematico di JET-TNCA traha riba palo, simbolo di e artesania y dedicacion di e servicio excepcional brinda na Aruba. Durante e anochi, diferente bailarin a brinda entretenimento pa agrega un toke festivo na e celebrashon brandi aki. E introduccion di e logo di JET-TNCA dilanti di e edificio di aeropuerto a marca un momento historico, cu ta simbolisa e compromiso pa sigui brinda excelencia y inovashon den e servicionan di FBO na Aeropuerto di Aruba.
JET-TNCA
JET-TNCA ta e unico fixed based operator (FBO) na Aruba y ta opera bou maneho di Aruba Airport Authority N.V. JET-TNCA ta brinda servicio di FBO, e ta atende varios cliente di aviacion, incluyendo business aviation, mision cu cumplimento di ley, air ambulance, entrega di carga y pakete y e comunidad di aviacion priva en general. Por medio di un acuerdo di cooperacion strategico di Aruba Airport Authority N.V. cu Schiphol International, JET-TNCA ta compromete su mes cu crecemento continuo y exito den e industria di business aviation.
AUA Airport ta un di e aeropuertonan mas ocupa den region Caribe cu mas di 22 diferente aerolinea operando pa Aruba contribuyendo na mas cu 2.5 miyon pasahero pa aña y cu buelonan pa 22 diferente ciudad 34 diferente destinacion non-stop rond di mundo. Di e mercadonan cu AUA Airport ta sirbi 76% ta for di Merca y Canada, 14% for di Latino America, 6% for di Europa y 4% for di Antia Hulandes te cu luna di december 2023. AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa bira un aeropuerto sostenibel, sigur y a prueba di futuro, den region Latino Americano & Caribense, brindando un luga di trabou confiabel, facilidad di un aeropuerto moderno y un servicio excelente cu ta e refleha hospitalidad Arubiano, contribuyendo na un futuro prospero pa Aruba. Conoce mas di loke ta pasando na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport
Built with Shorthand