“E inspiracion pa establece CUA a bini for di un deseo pa crea cambio significativo y innovacion den nos sector. Inicialmente, nos a topa c'un desafio significante den haya apoyo di otro companianan. Nos a observa un preocupacion prevalente tocante posibel represalia di gobierno. E fase inicial aki a rekeri nos pa nabega e preocupacionnan aki mientras nos tabata mantene firme na nos compromiso cu nos balor fundamental y obhetivonan. Awor cu nos ta reconoci y renombra, y nos ta creciendo exponencialmente, birando un gremio mas grandi y c'un plataforma incomparabel y unico na Aruba actualmente.


CUA su mision ta pa fomenta un consciencia mas eleva y colaboracion entre empresarionan. Cu e desaroyo di CUA App, nan ta anticipa di provee un recurso valioso pa cada comerciante na Aruba.
“Riba e plataforma aki, miembronan por haya informacion importante y relevante di diferente industrianan, nan por haci preguntanan, participa den ‘polls’, comparti preocupacionnan, discuti problemanan den nan comunidad, mercadea nan companianan, haya invitacionnan exclusivo pa cursonan relata na diferente industrianan e.o.. Tambe gobierno of gremionan ta manda nos documentonan of informacionnan importante p’asina nos por comparti cu nos miembronan riba e app. E idea ta pa crea un ambiente unda comerciantenan por apoya y asisti otro y si ta necesario, CUA ta trece e problemanan aki na atencion di gobierno pa explora solucion nan potencial. 

"Entre e logronan di CUA tin e cambio significante den e manera cu douane tabata calcula cargo riba compra nan di afor ‘Amazon’, loke awor a beneficia no solamente comerciantenan, pero tambe e comunidad completo. “Anteriormente, nan tabata calcula basa riba e prijs completo di articulonan cumpra for companianan di afor, sin tuma en cuenta e prijsnan cu descuento ofreci pa e compania. CUA activamente a boga pa un enfoke  mas husto. Como resultado, e departamento di douane a revisa nan polisa, y awor ta calculando debernan basa riba e prijsnan cu descuento corectamente.

Nos meta ta pa influencia polisa- y decisionnan cu por conduci na un costo di bida mas sostenibel pa tur hende na Aruba. Nos compromiso ta pa ta un puente entre e comunidad empresarial y e gobierno, sigurando cu e preocupacionnan y desafionan cu nos miembronan ta enfrenta ta keda atendi y trata di manera efectivo y husto.”

  • Miembronan di CUA por ta solamente companianan local cu e doñonan bibando na Aruba.
  • Stranheronan tambe por bira miembro, pero mester ta bibando na Aruba.
  • Companianan grandi multinacional no ta eligibel pa bira miembro si nan doñonan no ta biba ‘ki.
  • Companianan gubernamental (manera SETAR, WEB, etc.) no por bira miembro.

En esencia, CUA ta representa solamente companianan local. E enfoke aki ta sigura cu nos esfuerso- y recurso nan ta dedica na atendiendo e desafio nan y necesidad nan unico di e negoshinan local, fomentando un comunidad di apoyo cu ta alinea cu e paisahe economico y social di Aruba. Nos ta respeta y colabora cu tur gremio profesionalmente.

“Na esnan cu tin aspiracion pa influencia e bienestar economico di nan comunidad; cuminsa c’un comprension profundo di e necesidadnan y desafionan unico di bo comunidad. Interactua cu negoshinan local, lidernan comunitario, y residentenan pa haya ‘insights’. Uza e conocemento aki pa stimula iniciativanan cu ta alinea cu e necesidadnan aki. Colaboracion ta clave; busca manera pa forma ‘partnership’ cu organisacion- of gruponan existente. Mantene persistencia y adaptabilidad. Cambio ta tuma tempo y ta requeri esfuerzo continuo y flexibilidad. Educa bo mes riba tendencianan economico y polizanan, ya cu e conocemento aki por ta poderoso den forma strategianan efectivo. Y finalmente, join Comerciante Uni Aruba.

"Nos logro di mas grando toch ta e abilidad pa trece comerciantenan hunto  y traha cambionan real cu ta beneficia tanto e comunidad di empresarionan como gobierno y Aruba den su totalidad. Nos ta un organisacion cu ta enfoca riba e bienestar economico di nos comunidad y ta percura pa nan bienestar di un manera holistico. E mescla di argumentacion, educacion, colaboracion y e dedicacion pa trece solucionnan practico ta un refleho di nos exito mas grandi.”

“Hopi negoshi tin miedo pa expresa nan preocupacionnan, particularmente si nan ta envolvi den bende of haci negoshi cu gobierno - Nan por tin preocupacion nan pero ta scoge pa no expresa esakinan. Awor, c’un grupo di apoyo y miembronan di directiva cu ta sinceramente comprometi cu e bienestar di tur nos miembronan, nos ta provee un voz pa cualkier miembro di CUA. E rol aki ta crucial pa sigura cu e interesnan y preocupacionnan di negoshinan local ta keda atendi y trata, creando un ambiente di negoshi mas inclusivo y representativo.

“Nos ta reconoci como un gremio legitimo pa gobierno y definitivamente nos ta wordo yama den tur discusion cu ta tuma lugar, sigurando cu nos voz ta yega te na gobierno y mas leu. E reconocemento aki ta un paso significante den valida nos esfuersonan y establece CUA como un protagonista clave den e dialogo entre negoshinan y gobierno, reflehando e impacto positivo di nos representacion y e influencia creciente di nos organisacion den forma e polizanan y decisionnan cu ta afecta e comunidad di negoshinan local.”

1.Leynan Laboral, 2.Inflacion, 3.Apoyo hunto cu Desaroyo pa negoshinan chikito, mediano y grandi.

E areanan aki ta crucial pa e bienestar y exito di nos miembronan. Nos ta dedica na atende e desafionan aki argumentando, comparti recursonan y participando den dialogonan constructivo cu partidonan relevante. Nos enfoke riba Leynan Laboral ta pa sigura cu condicionnan di trabou husto, mientras cu atacando inflacion ta tocante e preservacion di poder di compra y estabilidad economico. Apoyo y desaroyo pa negoshinan ta concentra riba e crecemento y sostenibilidad di negoshinan, cual ta vital pa e economia local.”

Share on WhatsApp

Share on WhatsApp
TopBuilt with Shorthand