Fatme Faarup-Rigaud ta un baluarte y figura prominente den nos panorama cultural cu su bida dedica na preserva y promove tradicionnan di baile di e cultura Arubano. Cu su gracia y pasion, e ta conecta historia cu movimiento, transformando folklore y tradicion den un espectaculo di emocion. "For di chiquito mi a forma parti di Pierewietje, scol di baile Diana Antonette, Danza Aruba Ceslin Yarzagaray entre otro cu a forma e amor pa baile entre nan baile folklore ta ancra di chiquito."

Un docente su mes, e amor cu Fatme a demostra pa nos cultura por medio di su baile ya actuacion ta haci’e merecedor di tur merito y atencion. "Mi a studia na IPA e materia CKV cual ta formacion di arte y Cultura. Aki mi a profundisa den e disciplina di baile y nos a haña hopi di nos baile nan folklore for di Sra. Diana Antonette. Y durante mi estudio. mi a forma parti di hopi show nan cu mi colegan studiando y tambe mi a haci hopi shownan di folklore cu Jhon Freddy Montoya y Bernadina Growell. Aki e amor mes a bira un pasion. Y awe como maestra mi ta pasa over mi conocemento na nos hobenan di Maria College Mavo." Mi ta kere den guia e generacion oo oa nan sigui engrandece nos cultura"