Ta pensando pa cumpra, traha, of renoba bo cas?
FCCA ta na bo banda pa guia bo paso pa paso den e proceso di yega na e hogar di bo soño. Cu mas di 45 aña di experiencia, FCCA ta e unico banco hipotecario na Aruba c’un mision social: duna cada persona e oportunidad pa tin un cas propio.
Ora bo tuma un hipoteca na FCCA, bo ta habri e porta na hopi beneficionan special:
- 100% financia
- Interes competitivo y atractivo
- Descuento riba materialnan di construccion
- Plan di pago flexibel
- Opcion pa un termino di pago mas largo
- Mapa di cas pre-diseña GRATIS cu bo hipoteca
- Seguro di cas na un prijs competitivo,
- Calculacion di gastonan y conseho pa yuda bo tuma e miho decision
Pero e parti mas importante ta cu… Un hipoteca maneha pa FCCA ta hopi mas cu simplemente duna un prestamo: e ta un proceso personalisa cu hopi guia, entrega y atencion humano. Pa nos, un hipoteca ta un compromiso entre abo y un di e miembronan di nos team. Cu pasenshi, claridad y curason, nos ta traha pa e momento special di yega na bo cas.
Departamento Krediet & Commercieel Verhuur
Departamento Krediet & Commercieel Verhuur
Sergio Barros
Sergio Barros
Funcion:
Krediet & Commercieel Verhuurfunctionaris
Aña na FCCA:
8 aña
KI TA BO INSPIRACION DEN BO TRABOU?
Pa asisti e cliente pa e mes por crea y pone riba papel e cas di su soño na su gusto.
ANECDOTA INOLVIDABEL
Ora cu varios cliente ta referi nan famia, colega of conocirnan pa ora nan yega FCCA pa nan bisa cu nan kier papia solamente cu “Sergio” .
KICO TA E FORSA DI BOSO EKIPO?
Comunicacion ta e base di nos Krediet Team.
Sergio Barros
Sergio Barros
ROL DI FCCA DEN NOS COMUNIDAD
FCCA su rol ta pa yuda nos hendenan realisa nan soño di ta doño di nan mes un cas.
CONSEHO:
Pa tur persona of pareha cu ta soñando pa un dia ta doño di nan mesun cas, mester dicidi primeramente si kier traha of cumpra un cas, despues traha ariba un plan, door di por ehempel spaar pa un downpayment y tambe explora e posibilidad pa por cumpra un cas y/of un tereno for di bo mayornan, familiar of amigo directamente na un bon prijs.
Funcion:
Krediet & Commercieel Verhuurfunctionaris
Aña na FCCA:
5 aña
KI TA BO INSPIRACION DEN BO TRABOU?
Yuda un persona realisa su soño ta un sintimento inolvidabel.
ANECDOTA INOLVIDABEL
Hopi biaha un persona tin e deseo di yega na nan propio cas, pero pa falta di conocimento y durf nan ta keda pega of para. Cu guia y conseho riba e materia e persona lo haya confiansa den su mes y cu perseverancia nan ta yega na nan propio cas.
KICO TA E FORSA DI BOSO EKIPO?
Nos ta siña di otro, y ta duna apoyo emocional. Nos ta mas cu colega – nos ta un famia.
ROL DI FCCA DEN NOS COMUNIDAD
Ta asisti tur hende sin excepcion.
CONSEHO
Kere den bo mes y cuminsa buska informacion no tene miedo of pensa cu bo no por, haci un calculacion cu esaki bo tin un bista amplio con pa bo yega na e soño di bo propio cas.
Roderick Dammers
Roderick Dammers
Funcion:
Kredietverstrekker Verhuurfunctionaris
Aña na FCCA:
Casi 25 aña
KI TA BO INSPIRACION DEN BO TRABOU?
Ora cu e cliente ta conta mi su soño den detaye, mane por ehempel con e lo kier su cura cu su bbq pit y gazebo.
ANECDOTA INOLVIDABEL
Mi ta semper fascina pa cliente hoben ora nan bin pa cumpra of traha nan cas. Nan ta asina madura pa e edad jong ey.
KICO TA E FORSA DI BOSO EKIPO
Nos ta puntra y yuda otro pa logra e miho pa e cliente.
Roderick Dammers
Roderick Dammers
ROL DI FCCA DEN NOS COMUNIDAD
Ta yuda clientenan y forma e base pa un bida estable.
CONSEHO
No duda pa pasa FCCA nos ta yuda tur hende, zorg pa bo ta semper prepara pa ora e oportunidad presenta! Bo debenan ta up-to-date y bo tin algo gespaar pa yudabo si tin mester.
Esther Tromp
Esther Tromp
Funcion:
Krediet & Commercieel Verhuurfunctionaris
Aña na FCCA:
31 aña
KI TA BO INSPIRACION DEN BO TRABOU?
Yuda famianan realisa nan soño. E trankilidad c’un cas ta trece no por midi.
ANECDOTA INOLVIDABEL
Un historia cu mi no por lubida ta di un mama soltera cu tabata luchando pa duna su yiu un hogar. E no tabata sigur si por optene un hipoteca, pero nos a guia y yuda. Ora cu el logra yega na su cas, e señora ta conta con su yiu a core drenta den su camber gritando di alegria. E momento ey mi a sinti un gran orguyo di mi trabou.
KICO TA E FORSA DI BOSO EKIPO
Nos ta siña di otro, y ta duna apoyo emocional. Nos ta mas cu colega – nos ta un famia.
ROL DI FCCA DEN NOS COMUNIDAD
Ta un pilar den un organisacion c’un mision social.
CONSEHO
Pa esnan cu ta soña cu un cas propio: busca informacion, orientacion y traha un bon plan financiero. Cu fe y preparacion, bo por habri e porta di bo soño. Mi deseo ta pa inspira otro cu mi trabou, tanto den FCCA como den comunidad Arubiano.
Gidrich Bislik
Gidrich Bislik
Funcion:
Manager Kredietverstrekking
Aña na FCCA:
10 aña
KI TA BO INSPIRACION DEN BO TRABOU?
Wak bo cliente logra su soño y drenta su cas cu alegria.
ANECDOTA INOLVIDABEL
Un di e momentonan mas inolvidabel tabata ora mi a yuda un cliente cu tabata den un situacion hopi dificil. Hunto cu e persona, nos a traha un plan personalisa, y paso pa paso, nos a logra yuda pa e persona por yega na un cas propio. Pa sa cu nos a contribui na duna no solamente un cas, sino un sintimiento di seguridad y un futuro mas prometedor pa e y su yiu, ta loke ta motiva nos pa sigui traha cu dedicacion tur dia.
KICO TA E FORSA DI BOSO EKIPO
Apoya otro sin condicion pa logra deadline y duna contesta rapido.
ROL DI FCCA DEN NOS COMUNIDAD
Guia un di e decisionnan mas grandi den bida di un cliente.
CONSEHO
No duda pa pasa FCCA nos ta yuda tur cliente pa por yega na nan cas. Door middel di conseha nan y guia nan pa tuma e decision correcto pa por yega na nan cas.
Gidrich Bislik
Gidrich Bislik
FCCA no ta solamente un institucion financiero. Nos ta un partner den bo bida. Cu terminonan flexibel, tarifanan competitivo y un ekipo humano cu ta compromete pa bo bienestar, nos ta lanta Aruba, cas pa cas.
📍Bo ta semper bon bini pa pasa sin cita pa mas informacion.
📝 Trece bo documento (ID & Payslip), y wak con nos por cuminsa traha riba bo soño.
🤝 Nos t’ey pa yuda bo, paso pa paso.
Built with Shorthand