Januari a cera cu tremendo evento pa celebra e gran apertura di ZIMA na JOIA Aruba by Iberostar.

E evento exclusivo aki tabata un celebracion unico c’un atmosfera di un rooftop moderno, relaha cu invitadonan cu a varia di Aruba su fashionista nan, ehecutivo nan, artista y personalidadnan di turismo a reuni pa celebra e Roof Top & Pool Bar c’un diseño moderno y sofistica.

Di e momento cu drenta den e area aki cu ta completamente habri cu bista riba Eagle Beach, bo ta keda absorbe pa e vibe unico cu ZIMA ta ofrece. E wowo ta topa e entrada, e ambiente ta iradia pa su estilo habri y unico. E evento tabata simplemente fabuloso unda invitadonan a keda malcria cu champagne y prosecco y bitesnan unico cu a varia di ceviche pa burgers y hasta postrenan dushi. Tur esaki ta duna un toke di e gastronomia compaña pa e tremendo servicio durante henter e velada.

Pa agrega na e ambiente, den un escenario parcialmente den e pool e cantante Marisela hunto cu Jeremey Bonariba a duna un show unico cantando live, creando un ambiente dushi cu a agrega na e eneregia positivo y exclusivo di ZIMA.

Cu e introduccion di ZIMA, JOIA Aruba by Iberostar ta expande su portfolio di elegancia y entretenimento. Na Zima bo por disfruta di un "rooftop experience" unico na Aruba, combina cu diseño relahante, dushi hapjes y un bista unico entre brisa dushi di Aruba.