Su trayecto escolar a hibe di EPB pa EPI y HBO. Awendia e ta un profesional, pareha y mama cu su bida forma na Hulanda, pero facil , e no tabata. Manera hopi studiantenan, Dayensee tambe tabatin momentonan cu reto y p’esey e kier motiva studiantenan cu, pa con dificil e por bira durante bo estudio, e ta posibel caba exitosamente, y e ta un prueba di esaki.
Mi a caba Fatima college, y a drenta EPB Santa Cruz nivel 2. Despues mi a baha di nivel , bay nivel 3, no tabata pasobra mi no tabata sabi, pero e lesnan tabata asina facil cu mi no tabata pone atencion pa siña y honestamente mi no tabata worry. Mi djis tabata kier ta un puber y peer pressure tabata p’ami mas importante cu siña. Despues di Epb Santa Cruz mi a bay Epb hato, mi a drenta nivel 3, gradua y bay nivel 2, gradua y bay nivel 1. Ora mi a caba EPB Hato mi tabatin un meta pa bay traha na Casa Cuna, pero mi a compronde cu mi mester caba MBO pa por traha eynan. Na EPB, mi tabata un studiante cu no tabata para keto. Mi a participa cu varios evento pa ful e scol, eleccion di reina na 2007 di cual ma logra sali reina. E tempo ey mi a haya oferta pa bay pa miss teen 2006, despues pa reina di Carnaval, y hasta Miss Aruba. Tur e oportunidad nan aki mi a bisa un no. Financieramente nos no tabatin e amplio. Alavez, mi tabata sinti e tempo ey cu mi no tabata cla pa e reto nan aki. Awe mi lo desea di a bisa mi mes; go for it , bo por, placa no ta tur cos.
Despues mi a sigui pa EPI, eynan mi tabata un studiante mas serio. Mi tabata hopi enfoka pa mi caba scol, alaves un puber tambe (dat hoort erbij). Mi a gradua sin problema y mi a sali best geslaagde nivel 3. Despues di nivel 3 mi a cuminsa di tin e gana di bay traha na Casa Cuna of bay Hulanda, pero Hulanda pa studia tabata zona asina imposibel paso e.o., mi Hulandes no tabata bon, alaves mi tabatin hopi miedo di ta na un lugar asina grandi y "mi so". Mi stima mi Aruba, pero mi tabata semper sinti cu mi gusta descubri mas kico tin eyfor. Mi a logra bay nivel 4 y alaves mi a cuminsa cu mi enfoke pa bay traha na Casa Cuna ( mi dream job). Mi a loop stage p’asina mi toch tin experiencia di traha eynan. Den nivel 4 mi a druip c’un 5.4 riba mi examen. E tempo ey e unico cos cu mi a scucha , nos no por haci nada mas p’abo, bo a druip. E palabra nan ey a ‘light up un fire’ den mi, tabata manera nan a dunami e motivacion cu mi tabata falta pa make it y mustra tur cu mi lo bay yega leu. This will not be the last word and final destination.
Mi a paga schoolgeld completo, y mi a bay mi ta kere den full e schooljaar un 5 pa 6 biaha scol pa mi haya un extra les cu e grupito cu tambe a druip. Nos a keda coached pa un juffrouw cu te dia di awe tin un lugar bunita den mi curason. Juffrouw Rosanne Pietersz, mescos un otro juffrouw cu te dia di awe mi no por lubida, Juffrouw Roslin Kock. Durante cu mi tabata bay scol, mi tabata trahando na un kinderopvang den dia, y alaves na Casa Cuna como invalster, tin dia mi tabatin double shift. Ora a yega e momento di haci mi examen atrobe mi tabata determina di slaag y bay Hulanda, aunke e miedo ainda tabata hopi grandi. Pa mi sorpresa mi a slaag c’un 10 riba mi examen y loke mi a scucha ta; nos a keda wak bo examen y e ta echt un 10. Mi mes no por a kere. Pa druip faltando 1 tiende punt, y bira slaag c’un 10. Mi a finalisa mi 2 trabounan y mi a bin Hulanda na 2014.
Mi a studia na Fontys Hogeschool Tilburg. Mi tabata e unico studiante di afo den klas. Te cu mi ta corda na scol, henter mi opleiding tabata ami y un otro mucha muher tabata e unico nan di exterior. Mi a struggle bastante e promer aña pa varios motibo; e idioma Hulandes, e lugar cu ta straño p’ami, e clima, e manera di bisti, falta di mi mayornan, amistadnan, falta di por expresa mi mes. Mi ta un persona cu gusta combersa, y e idioma tabata asina dificil cu mi tabata prefera keda keto na lugar di papia y haci fout. Den mi prome periode, tur mi lesnan a bin voldoende, mi tabatin hopi ayudo di persona nan cu tabata revisa mi verslag nan. Pa mi di dos periode, tur cos tabata un onvoldoende. Mi tabatin hopi heimwee y mi tabata sinti depresion, mas cu tabata december tambe riba dje. Mi a ta corda tabata un diahuebs y mi a yora asina hopi cu mi a bisa mi pareha cu mi no por mas y mi ta bay Aruba.
“Hulanda no ta p’ami, mi a bis’e. Mi tabata determina pa bay e weekend ey mes Aruba y laga tur cos atras. Su palabra nan tabata; “Bo sa cu nos a bin pa un meta . Nos a bende tur cos na Aruba, y djis pa 1 paar di onvoldoende bo kier tira tur bo soñonan afor? Bay si bo kier y spera bo no arepenti”, el a bisami. Mi ta corda ma bise cu mi ta bay purba 1 periode mas y si mi herkansing bin malo, mi lo echt bay Aruba. Mi a entrega tur cu mi tin, paso mi kier a prueba mi mes si mi por e, si of no. Pa mi sopresa, mi herkansing a bin bon plus mi a haal mi periode 3 cu voldoende so. Esey ta mas cu 10+- toets haci den 1 periode cual ta ongeveer 8 a 9 siman ( te cu mi por corda) .
Periode 4 ta e ultimo periode di aña y di cual cu mi a haal tambe y asina mi a logra mi propedeuse. Ora bo logra esaki, nan no por kita bo di scol zo maar. Mi promer aña, mi a traha mi mes un woordenboek pa siña palabra nan dificil na Hulandes y mi a pasa 90% di mi promer aña den mi camber ta studia. Tur mi klasgenoot nan tabata trip, enjoying life, y ami tabata traha samenvatting (te awe mi tin tur). Mi studentenkamer tabata mas chikito cu mi yiu su camber. Te dia di awe mi no sa con mi a pasa 1 aña ‘’sera’’ eyden.
Mi a finalisa mi 2de, 3de y 4de jaar cu exito, herkansing nan tabata minimo, y na Hulanda mi nunca a keda sinta. Na momento di slaag, mi a haña sa cu mi a haña un onvoldoende y mi tabatin 2 dia pa por a lever in e examen. Mi a sinta full 1 dia cu mi docente di Hulandes ta repasa palabra pa palabra, p’asina ni 1 tabata fout. Tabata momento di angustia, paso mi mayornan y mi suegronan tabata ‘kinan caba pa mi gruaduacion. Pa mi sorpresa, mi a pasa mi examen y a slaag. Ora mi a firma mi papel mi ta corda cu mi a explota den yanto, paso mi a logra algo cu p’ami tabata casi imposibel.
No ta tur studiante ta logra den 4 aña. Bo tin hopi preshon di e debe cu bo ta acumula, y cu bo mester paga bek, sea bo logra of no. Despues di mi promer aña na Fontys, mi a disfruta bida un poco mas. Mi a muda pa un apartamento, cu mi pareha. Nos a logra saca nos auto nan pa haci nos bida poco mas facil. Mi a logra sera mas amistad y esey a haci cu mi tabata menos sera den cas.
Ora mi a caba mi HBO mi a traha na un kinderopvang pa 5 luna y despues mi a solicita y haya trabou na unda mi ta trahando awe. Mi ta un Pedagoog/Jeugdzorgwerker pa 5 aña caba. Mi trabou ta traha cu psicologo-, docente y gedragswetenschappers di diferente gemeente, diferente organisacion nan, scolnan y cu famia. Mi cliente nan ta persona nan cu ADHD, ADD, autismo, of hoogbegaafd. Mi ta stima mi trabou. Tur dia ta diferente y leerzaam. Awendia mi ta un mama di un bunita mucha muher di casi 2 aña di edad, señora di mi pareha pa casi 15 aña largo, y bibando casi 10 aña na Hulanda. Tur dia mi ta siña algo nobo, y mi gusta keda siña. Mi no sa kico ta next p’ami, mi soño di mas grandi pa pa un dia bira un Psicologo of traha cu jeugd gedetineerden of algo cu tin di haber cu e ramo di trauma verwerking. Pero p’awor, mi ta enjoy di ta mama, esey p’ami ta mi prioridad y mi unico meta; pa ta the best mom pa mi yiu.
Corda esaki: "Losers never win and winners never loose"
You cannot become who you want to be by remaining who you are.
Cu cariño,
Dayensee Vrolijk
Built with Shorthand