No tabata simplemente un evento di inauguracion. E apertura oficial di e oficina di Amersur Aruba dia 28 di Juni 2025, tabata un celebracion di vision, curashi, logro y conexion entre dos mundo cu tin hopi pa ofrece otro. Cu su rais den e dinamismo economico di Peru, y awe su wowo riba e futuro vibrante di Aruba, Amersur bou guia di su propietario Alexander Oriundo ta trece mas c’un marca den real estate: ta trece un brug nobo pa inversion, crecemento y union humano.
Den presencia di varios realtornan local, invitadonan di negoshi, y delegacionan directamente for di Peru, e evento a convoca un grupo diverso di hende cu tin un meta comun: amplia frontera y habri caminda pa un forma mas internacional di traha y inverti den Aruba.
Durante e celebracion cu a tuma lugar dilanti di e oficina mes riba LG. Smith Blvd., e ambiente tabata uno di energia positivo. Amigonan fiel di Amersur a comparti nan experiencia cu e empresa na Peru, destacando su profesionalismo, su manera humano di traha, y su vision a largo plazo. Tur a destaca cu habri un sucursal na Aruba no ta solamente strategico, sino tambe necesario.
Alexander Oriundo, hunto cu su famia, a duna un palabra di gratitud pa tur apoyo y confianza. Den un discurso a anuncia plan grandi pa Amersur Aruba: pa sirbi como un canal strategico pa conecta inversionistanan for di Peru y di region cu e potencial amplio cu Aruba tin pa ofrece, particularmente den real estate.
E ceremonia di cortamento di sinta, a marca e apertura oficial. Amersur Aruba ta manda un mensahe cla:
E futuro di real estate ta global, ta humano y ta cla pa esnan cu ta kere den posibilidadnan sin frontera.
Built with Shorthand