E historia di casnan na Aruba ta data bek te cu e Caquetio Indjannan, e habitantenan original di e isla. E casnan di e Caiquetio (1000 - 1515) tabata traha den forma oval for di tronconan di palo. Aserca tabata traha un cura di palo cu tabata sera e bario. E casnan aki tabata diseña pa soporta e clima tropical y tabata un mescla armonioso cu e medio ambiente natural.

For di siglo 17 te na fin di siglo 19, casnan torto tabata e tipo di vivienda predominante na Aruba. Conoci pa nan frescura excepcional y cu ta ideal pa e clima local, e casnan aki a perde popularidad den siglo 20 ora cement a bira mas disponibel. Su origen ta for di Peninsula di Paraguaná na Venezuela den siglo 18. E casnan torto cu ta existi na Aruba tin aproximademente 150 aña. Inicialmente, hopi casnan riba e isla tabata construi usando e metodo di construccion aki. Pa 2005, solamente 62 casnan torto tabata keda, cu solamente cuatro di nan den bon condicion.

Cu e yegada di Hulandes na siglo 17, e arkitectura di Aruba a cuminsa cambia. E estilo colonial Hulandes a introduci tecnicanan di construccion mas fuerte y material manera bloki y mortar (un tipo di cement). Casnan tradicional Arubano, conoci como casnan "cunucu", a surgi durante e periodo aki. E casnan aki tabata chikito, rectangular, cu murayanan diki, daknan halto y bentanan pa mantene e interior fresco.

E siglo 19 a bini cu un gran crecemento economico na Aruba, principalmente debi na explotacion di oro y produccion di Aloë. E 'boom' economico aki a hiba na un aumento di urbanisacion, particularmente den Oranjestad. Casnan mas grandi y mas elabora tabata keda construi durante e periodo aki, mustrando un mescla di estilo arkitectonico Hulandes y local. E casnan aki tabata frecuentemente tin veranda hancho, fachada decora y exterior colorido. E cas tipico Arubano, traha di 'lime stone' ta algo cu ta topa cune ainda rond Aruba. Despues di 1900, construccion moderno a bira mas comun. Bloki di cement a reemplaza palo, lodo y 'lime stone'.