E celebracion di e di 10 aniversario di Aruba su hotel di luho tabata centra riba e hotel su recurso di mas importante den e compromiso di servicio pa cu tur bishitantenan – e Damas y Cabayeronan di The Ritz-Carlton, Aruba. Dia 14 di November, e hotel a organisa un anochi memorabel y special pa e Damas y Cabayeronan, e ‘charter team’ cu a habri e portanan di The Ritz-Carlton, Aruba 10 aña pasa. E hotel ta conta cu un impresionante ‘charter team’ di 152, un cantidad cu ta representa casi 25% di tur e Damas y Cabayeronan cu ta traha na e hotel awe.
E celebracion a continua dia 15 di November ora tur e Damas y Cabayeronan di e hotel tabata invita den e luhoso Ritz Carlton Ballroom y compaña di distinguido invitadonan manera representantenan di Desarollos Hotelco, ATA, AHATA, y Marriott International. Un celebracion inolvidabel unda a duna reconocimiento na cada un Dama y Cabayero di e hotel y a gradicinan pa nan dedicacion, servicio excepcional, compromiso, y pa e mas di 29.200 ora di servicio na Community Footprints y nos isla stima, Aruba.
Pa e dia di aniversario di e hotel, 22 di November, e Damas y Cabayeronan tabata tin e gran placer y honor di comparti un momento special cu e huespednan y e miembronan di Marriott Bonvoy, un evento na lama cu a refleha e escencia di Aruba y unda a duna gradicimento na tur e miembronan pa nan lealtad y a festeha hunto cu nan e di e 10 aña di The Ritz Carlton, Aruba.
For di su apertura na 2013, The Ritz-Carlton, Aruba situa na e prestigioso area di Palm Beach a bringa hospitalidad di luho na e isla di Aruba. E resort ta renombra pa su elegante cambernan, espacionan di eventonan, restaurantnan exkisito, manera BLT Steak y Casa Nonna New York, spa di luho, un vibrante casino, entre otro amenidadnan di e resort.
Na fin di 2022, cada un di e 320 cambernan a keda renoba y ta brinda un diseño moderno, elegante y cu ta refleha e entorno natural di e isla. Ademas di interiornan renoba, e resort tambe a introduci un programacion actualisa, cu e ultimo adiccion cu ta e Madero Pop-Up Bar y tambe e grandioso promocionan di The Casino at The Ritz-Carlton, Aruba.
"E ultimo 10 aña a representa un hornada extraordinario pa nos resort, nos bishitantenan, nos
Damas y Cabayeronan, y nos comunidad local,"- Steven Redkoles, Gerente General di
Area. "Desde nos apertura, e resort iconico aki a brinda un hospitalidad y servicio di luho,
experencianan personalisa y inolvidabel na cada un di e bishitantenan.
Nos ta sumamente agradecido pa e grandioso decada y ansioso pa continua brinda e servicio legendario cu The Ritz- Carlton ta conoci p'e, crea momentonan inolvidabel pa nos huespednan y sigui contribui cu Aruba su turismo. Nos ta warda cu hopi emocion."
Media Contact:
Yahira Santoni
Multi-Property Director of Communications
Yahira.Santoni@marriottluxurybrands.com
Built with Shorthand