Nos Persona Xclsv 2024/ Social Media Preferi ta algo special y diferente: nos a pidi boso, nos siguidornan pa scoge boso Persona Xclusivo 2024, riba e tema artistico. Nos a pidi boso opinion y boso a responde. Nos a ricibi mas di 100 nombernan di hende cu ta crea y alimenta boso tur cu inspiracion y orguyo cu nan trabou y talento. Di e lista aki, nos a selecciona e siguiente personanan pa presente den nos edicion di December 2024.

Durante e aña siguiente, nos lo sigui comparti storia di e personanan cu boso a sugeri. Pa nos di Xclusivo Magazine, Aruba ta Aruba, danki na su hende. Nos ta sinti hopi orguyo di por ta un instrumento pa comparti storia di nos hendenan y mustra kico ta haci nan unico, y asina tambe, kico ta duna Aruba su specialidad como isla felis. Ta nos hende mes cu ta duna ritmo y bida na nos isla. Disfruta e storia di cada persona cu nos compila y laga nan inspira bo y no para. Sigui move p’adilanti semper. Feliz dianan di Fiesta.