REVISTA
SPORTS ILLUSTRATED HACIENDO HISTORIA CU MARTHA STEWART DI 81 AÑA DEN BADPAK RIBA PORTADA
Den badpak y saca den varios ‘poses’ di modelo, e lifestyle magnate di tur tempo, Martha Stewart did it again. Cu su 81 aña, Martha Stewart ta e ‘talk of the moment’ cu su aparicion riba portada di e ‘yearly swimsuit edition’ di Sports Illustrated, cu ta conoci pa su portadanan exotico di muhernan hopi mas hoben, den badpak of bikini. E potretnan a keda saca na Republica Domincana. E revista ta describi Martha Stewart como ‘e definicion mes di un ‘INFLUENCER DI BERDAD’ debi na su cantidad di show nan, buki nan, linea nan di producto y siguidor nan riba rednan social.
Martha Stewart, tabata traha como modelo den su añanan mas hoben. El a siña e arte di cushina for di su mama y hardineria for di su abuelo. Na 1976, el a cuminsa un negoshi di catering den e zolder di su cas y e resto ta historia. Awe e ta doño di un imperio cu tin su nomber como su marca, reconoci mundialmente.
Martha Stewart a pasa den un transformacion durante ultimo tempo, mustrando mas 'refresca'.
Martha Stewart a pasa den un transformacion durante ultimo tempo, mustrando mas 'refresca'.
Martha mes a manda un mensahe na su siguidornan riba loke esaki ta nifica p’e; "Mi ta hopi emociona pa ta riba e portada di @SI_Swimsuit," el a bisa den un post riba Instagram. " Mi ta spera cu e portada aki ta inspira bo pa desafia bo mes pa purba cos nobo, no importa na cual etapa di bida bo ta."
E portada aki ta bin apenas algun siman despues cu otro revista popular People Magazine tambe a lansa su edicion di mei cu Jane Fonda, ex-modelo, actriz y activista di 85 aña riba nan portada.
Built with Shorthand