![](./assets/kGkWLkKR2W/portada-2560x1440-2559x1440.jpg)
![](./assets/MiTvK888Fe/gassant-1077x591.png)
![](./assets/13SfaB5qxp/skirby-negro-1432x440.png)
Reeshma Tromp, doño di Amilia Zorgspectrum, ta un ehempel perfecto di e motivacion empresarial Arubiano. Amilia Zorgspectrum ta un negoshi hopi esencial y di necesidad na Aruba; un centro di vivienda, pasa dia y cuido personalisa na persona nan di edad of cu ta padece di un malesa cronico. E logro aki ta danki na e sosten y guia cu el a haya di Qredits Aruba y su team, cu a mira e potencial den e ideanan di Reeshma, y a dun’e e guia y sosten pa materialisa su ideanan den un negoshi importante pa e comunidad di Aruba.
Pa agrega na esaki, e detaye mas special y di inspiracion ta cu Amilia Zorgspectrum ta keda registra como e di “400th Loan” di Qredits Aruba loke ta demostra e compromiso y consistencia di Qredits pa sigui motiva y sostene empresarionan local.
Conoce den e articulo aki, un poco mas di Amilia Zorgspectrum.
![](./assets/YYkjEDPqUh/qredits-logo-rgb-1988x1989.jpg)
![](./assets/0j2CEYwutb/_dsc3420-4096x6144.jpg)
![](./assets/foPhzsGeoG/titulo-1-964x451.png)
Un mama di dos, Reeshma semper tabata cariñoso di naturalesa, esey ta djis su forma di ta. Su trayecto profesional a cuminsa ora cu el a cuminsa sinti su mes atrai pa modelonan di cuido na Hulanda durante su educacion. “Mi a gusta e modelo con e compania nan di zorg na Hulanda ta ingericht y esaki a dunami e gana di tin un zorg bedrijf.” Inspira pa esaki, Reeshma e kier a crea un servicio similar pero mas amplio ainda na Aruba. Na 2018, e vba a keda crea dunando existencia na Amilia Zorgspectrum.
![](./assets/lF2uIkiNSf/quote-1-2110x1252.png)
![](./assets/Q8P1UD0h32/_dsc3473_bw-0-6-4096x6144.jpg)
![](./assets/tDX0liX851/_dsc3413-4096x6144.jpg)
![](./assets/wfKXBfFsLJ/titulo-2-2821x328.png)
![](./assets/HPTs26wVG0/_dsc3500-4096x2731.jpg)
"Amilia Zorg Spectrum ta un spectrum di cuido cu ta inclui facilidad nan di vivienda, servicio di dia, y cuido personalisa na cas pa ciudadanonan di edad avanza y pashentnan cu malesa cronico,” Reeshma ta splica. E nacemento di e nomber 'Amilia' tin un toke personal; e ta di nomber di su yiu mayor, Shadee Amilia kende ya tabata naci na 2018, ora el a lanta e vba di su compania. Awe, ambos su dos yiu muher nan ta carga e nomber Amilia, haciendo nan tambe parti di e dinastia di un cuido y cariño diferente, na Aruba.
Amilia a cuminsa den e forma mas simpel; dunando servicionan di cuido na cas den cual a forma un colaboracion cu e trahador social di hospital, Sra. Koolman. “Te dia di awe, nos a crea un bon laso cu otro pa cliente nan cu mester ayudo social.” E temporada di COVID a trece retonan grandi pa e compania nan pero Amilia a uza e tempo aki pa logra crea coneccion nan duradero. “Cu COVID, mientras companianan a keda plat debi na reglanan di distanciamento, nos a logra sera un network entre dokternan y specialista nan.” Na September 2022, nan a sigura un contract cu Costa Linda como un proveedor di cuido personal y rentals pa turista nan. Esaki a conduci na e expansion di e servicio nan di vivienda y pasa dia di Amilia.
![](./assets/pWtq2VKJx2/_dsc3430-4096x6144.jpg)
![](./assets/37KxXfUrbr/titulo-3-2177x686.png)
No tin otro forma mas pa describi e union di Amilia Zorgspectrum cu Qredits cu ta; ‘e momento perfecto’. " Qredits su yudansa a yega ora mi a keda cla cu e cas completamente riba mi mes pero tabata tambe ora cu ya mi a saca mi laatste spaar centjes pa mi compania su vivienda, cu a cuminsa draai pa 2 luna riba su mes. Mi ta yama esaki e bendishon di Dios pa tur e rato cu mi a keda pusha mi mes pa no give up, pa keda positivo y cu fe cu solo lo briya bek.” Como e recipiente number #400 di un prestamo di Qredits, Reeshma ta sinti un orguyo inmenso. “Mi ta sintimi honra di por trece un modelo di cuido innova y mas personalisa pa comunidad di Aruba.”
![](./assets/QV85B1lLmt/_dsc3533-4096x6144.jpg)
![](./assets/npGB3Ghmws/titulo-4-1158x437.png)
Riba nos pregunta riba su aspiracion nan pa futuro, pa Reeshma e ta simpel; su ambicion ta pa expande su negoshi tanto na Aruba como internacionalmente. Reeshma ta visualisa diferente facilidadnan di e concepto di Amilia Zorgspectrum na servicio di esnan di mas edad y/of cu malesanan cronico.
Pa esnan cu ta riba e punto di cuminsa nan propio negoshi, Reeshma tin algun conseho: “Conecta cu bo proposito y tuma e riesgo. Nos por tambalea ora di tuma desicion lihe y por sinti insigur y miedo, pero realidad ta cu bo no tin nada di perde si bo no take the risk. Semper corda cu e plan di Dios ta mas grandi cu loke abo kier. Wanta bo fe paso esey ta e yabi pa bo sigui te ora bo yega bo destino. Y ora bo yega eynan, pidi sabiduria pa bo por continua y maneha bo negoshi.
Unda bo ta mira bo mes cu bo negoshi aki 10 aña?
“Mi ta mira Amilia Zorgspectrum cu su mesun edificio cu lo atende adulto nan mayor y esnan cu limitacion. Y e zorg spectrum lo ta funcionando den su totalidad. Tambe mi ta mira un resort pa pasa dia y nos crecemento mas ainda den area turistico.
![](./assets/sUKNQOu8JA/_dsc3451-4096x6144.jpg)
![](./assets/p0SXn1SeNy/_dsc3509-4096x2731.jpg)