ARUBA
ANFRITRION PA EDUCACION DI ESTILISTANAN
LOCAL & DI REGION
Mas y mas, e hecho di sa con pa maneha productonan pa cabey ta critico den diferencia un estilista profesional cu por haci un trabou perfecto pa su clientela. Cu e meta final aki, REDKEN ta ofrece na estilistanan rond mundo, e oportunidad pa yega na nan certificacion cu ta oficialisa nan conocemento con pa maneha den forma corecto, tur e productonan bou di e marca aki.
Aruba como un isla c'un cantidad grandi di estilistanan y cas di e marca Redken, a haya e oportunidad pa bira escenario pa e preparacion di 17 estilista cu awor ta na caminda pa haya na certificacion aki finalmente, na Juni 2023. E les cu a tuma lugar na Aruba ta un serie di educacion cu a cuminsa caba y ta bira awor e di 3 cu ta tuma lugar.
Estilistanan di Aruba, Corsow y hasta Jamaica tabata presente pa sigui e educacion cu a tuma lugar na Aruba den e sala di e Education Center di agente Swift Distribution Aruba. Educador profesional, cosmetologa y facilitador internacional Vilmarie Brignoni a bin Aruba pa duna e educacion aki y asina guia eestilistanan. E educacion aki a cuminsa desde diadomingo 7 di Mei y a conclui diamars dia 9 2023. E educacion a cubri tur e tecnicanan y aplicacion corecto di cada producto, pa obtene e resultado perfecto pa clientenan fiel na productonan di Redken.
Mi 16+ aña den e industria como un Cosmetologo licencia, Trichologist y Facilitador ta keda uza pa yuda tur profesionalnan di beyesa pa siña, gana y biba nan miho bida dor di comparti e Mision & Balornan di Redken. Mi proposito ta pa ta un guia pa tur pelukeronan por comprende e ciencia cu ta existi den cabey y den color eficientemente pa nan por sinti nan mes sigur ora nan ta ehecuta tur tipo di servicionan di cabei tras di e stul.
Gabriel Ortiz ta pasiona cu educacion y inovashon. Cu mas di 17 aña den industria di beyesa como un Cosmetologo lisensia, su meta ta pa conecta cu coleganan den e ramo, pa por cuminsa un intercambio di kconosemento y abilidadnan, cu e obhetivo pa desaroya mihor profesionalnan den e campo di beyesa. Cuater aña pasa, el a uni na e gran famia di L'Oreal Caribe y a comberti su mes como un #redkenartist internacional y un Colorista lisensia di Redken. Su pasion pa crea, a hibe na traha afo di Puerto Rico, den concursunan di beyesa, como un mentor pa studiante nan di Redken Academy, y den concursonan manera ROC, dunand'e e oportunidad pa yega otro mercado pa comberti su mes como un mentor, duna guia y ta un lider entre estilistanan y e industri di beyesa.
E siguiente paso lo ta na Juni 2023, unda tur e estilistanan lo mester pasa e examen final aki cu lo tuma lugar na Corsow, prome cu nan por yama nan mes un Redken Certified Haircolorist!
Esaki ta un bista di e 3 dianan di educacion cu a tuma lugar na Aruba!
Built with Shorthand