Randy, un maestro na EPI Hospitality School, specialisa den materianan manera Hospitality Law, F&B Cost Control, and the Science of Wine and Spirits, tin un storia unico. Pa 19 aña, e ta comparti caba su conocemento cu studiantenan ribe e tereno di Hospitality pero awor el a logra haci transforma su pasion pa e ramo aki den un di dos carera. Tur a cuminsa cu adkisicion di un permiso di tour. E permiso aki a hiba e y un amigo pa funda Alpha Tours. E combinashon unico di experiencia di Randy, a bira e forsa awe tras di e exito di su compania, pafor di klas.

Bo por tin tur experiencia di mundo, pero cuminsa c’un negoshi nobo, semper ta bin cu retonan y pa Alpha Tours, esaki no tabata diferente. “Bo ta drenta den un mercado domina pa gigantenan estableci y proba bo mes ta importante." Kico ta separa nos for di e competencia ta nos nivel di servicio personalisa y luhoso. Simplemente, un servicio excepcional.” Pa Randy, e parti mas gratificante di su trabou ta atende cu hende. "Hospitalidad ta traha cu e hende. Normalmente, nos ta e persona nan cu ta duna nan bonbini na e isla y nos tambe ta e personanan cu ta despidi nan y ta invita nan pa bishita nos atrobe pronto. Bo ta desaroya un gran relacion personal cu bo clientenan.” Randy ta bisa di ta entusiasma riba e oportunidatnan cu a keda crea dor di industria di Vacation Rentals. No solamente esaki ta un contribucion na economia di Aruba, pero tambe a habri porta pa negoshinan manera Alpha Tours

" E companianan mas grandi/antiguo tur tin nan puntanan di benta den mayoria di hotelnan blokea, haciendo esaki hopi dificil pa no bisa casi imposibel pa companianan nobo y mas chikito por competi/bende na clientenan di hotel. Industria di Vacation Rentals a habri un mercado nobo c’un tereno di wega nivela, permitiendo nos di por competi, sobrevivi y prospera."