Radisson Blu Aruba ta orguyoso pa presenta e premio 'Ring of Honor 2025' for di Choice Hotels International, poniendo e hotel den e top 1% di tur hotel di Choice Hotels mundialmente. E reconocimento aki ta bin despues di a ricibi e premio ‘Best of Choice’ na 2024, marcando dos premio importante den dos aña consecutivo pa e hotel.

E reconocimento ta bin hunto cu e celebracion di e di cuater aniversario di Radisson Blu Aruba, resaltando un trayectoria di amor local, un crecemento rapido, y exito sostenibel. Den solamente cuater aña, e hotel a bira un preferencia popular pa bishitantenan, ofreciendo un combinacion di luho, sostenibilidad y experiencianan autentico di Aruba. E premio ‘Ring of Honor’ ta reafirma e compromiso di e hotel cu e satisfaccion excepcional di e cliente y excelencia den servicio. C’un ekipo di liderazgo local na cabes, e hotel ta sigui pone e standard pa excelencianan autentico y personalisa, y ta sigui ta ehempel orguyoso di exito impulsa localmente den e industria hotelero.

“Ta un honor pa ricibi e Ring of Honor Award den nos cuater aña di operacion,” asina Luigi Wix, General Manager di Radisson Blu Aruba a expresa. “Pa wordo reconoci dos aña consecutivo ta mustra e trabou duro y dedicacion di nos team, mayormente forma pa hende nativo di Aruba. Nan orguyo den nos cultura y comunidad ta refleha den tur cos cu nos ta haci, for di e servicio personalisa pa nos bishitantenan te na e detayenan cu ta mustra e spirito di nos isla.”

Choice Hotels International, Inc. (NYSE: CHH) ta un di e doñonan di franchise di hospedahe mas grandi na mundo. Como un competidor fuerte den e sector upscale y lider den midscale y extended stay, Choice® tin mas cu 7.500 hotel, cu mas cu 630.000 camber, na 46 pais y teritorio. Nan portafolio diverso ta conta cu 22 marca, for di hotelnan upscale pa midscale, extended stay y economico, pa yuda cubri e necesidadnan di bishitantenan na hopi luga y ocacion. E programa di recompensa, Choice Privileges®, hunto cu e tarheta di credito co-brand, ta duna miembronan un forma lihe y facil pa gana anochi di premio- y beneficionan personalisa.

Pa mas informacion, bishita www.choicehotels.com.