Dia 3 di Juli 2023, a marca un momento importante den historia financiero di Aruba cu apertura di e oficina di PKF, un red mundial di firmanan di Consultancy, Audit, Tax, and Accounting firms. E apertura aki ta representa no solamente un capitulo nobo pa PKF, estableci na 1989, pero tambe un adicion significante pa sector di servicio profesional di Aruba, danki na e 60 añanan di experiencia combina di su dos partner-nan, Drs. Ing. Edsel Lopez RA y Drs. Herbert van Elferen RA CIA.
Cu apertura di PKF na Aruba ta yega na un logro importante pa e cadena aki, cu awor tin 215 firma/oficina mundialmente, representando colectivamente un presencia fuerte den 151 pais rond mundo. Aruba a bira e destinacion number #151 pa PKF cual ta pone enfasis riba confiansa di e cadena mundial den nos mercado local.
Partner nan Lopez y van Elferen a uni forsa pa inverti den futuro di profesional nan local, y ta comparti nan seis decada di sabiduria acumula, sigurando asina cu PKF Aruba ta cumpli cu su compromiso mundial pa excelencia.
E iniciativa ta respalda pa Cheryl Burke, coordinadora Regional di Nort America y Partner den PKF USA, kende a elogia e desaroyo di PKF na Aruba, manifestando, "Nos ta ancioso pa mira famia di PKF Aruba crece y briya."
Van Elferen, kende su carera profesional a transcuri den su mayoria riba tereno di contabilidad, a enfatisa e balor inmenso di nan experencia combina, "Nos recurso mas grandi ta nos conocemento acumula, cual awor nos ta cla pa pone den nos trabou pa beneficio di e comunidad Arubano."
PKF ta trece un historia di excelencia den tur area di Consultancy, Audit, Tax, and Accounting y solucionnan comercial na Aruba, como tambe su reputacion como lider den industria di turismo, representando marcanan di hotel famoso rond mundo.
Drs. Herbert van Elferen RA CIA
Drs. Ing. Edsel Lopez RA ta gradua den 'Information Technology and Economics' for di Universidad di Eindhoven, Hulanda, y tin un master’s degree den 'Administrative Information Science' for di Universidad di Tilburg, Hulanda y ta trece 30 aña di experiencia. Van Elferen, di otro banda, ta un 'Certified Public' y internal auditor cu mas di 25 aña di experencia den e campo.
PKF, funda como Pannell Kerr Forster na 1989, awor ta un nomber global di firmanan di contabilidad, cu 215 miembro independiente operando bou di marca di PKF den 151 pais, y ta ocupa e di 14 puesto entre e rednan di contabilidad top mundial.
Drs. Ing. Edsel Lopez RA
E partner nan a funda nan firma c’un vision pa inverti, desaroya y aporta na e generashon nan futuro di profesionalnan local, y mas importante ainda, pa comparti nan experencia intensivo y conocemento cu henter e comunidad di Aruba.
PKF Aruba ta mas c’un firma tradicional di contabilidad. PKF ta ofrece un variedad di servicionan, incluyendo servicionan di finansa corporativo, servicio nan di consulta financiero y servicio nan di consulta empresarial. E enfoke holistico aki, respalda pa experticio, ta diferencia PKF Aruba for di tur competencia, primintiendo pa agrega balor na bo negoshi, yudabo logra bo metanan, y entrega un trabou di nivel halto, cu ta loke su cliente nan ta spera.
Den e potretnan por mira e gran apertura di PKF na Aruba. E evento a conta cu presencia di ehecutivonan, empresario nan, miembro nan di e comunidad legal, politico nan, y otro figura nan importante cu a uni pa celebra inagurashon di e capitulo nobo aki den sector di servicio profesional di Aruba. E ocashon grandioso aki no solamente a marca un logro pa PKF, pero tambe a simbolisa un adquisicion positivo y remarcabel pa Aruba, agregando servicio di consultancy di calidad halto, reconoci globalmente y respalda pa e experticio di su partner-nan.
Pa mas informacion, por fabor tuma contacto cu PKF Aruba
na +297 6990990 of via email na ruthmila.steward@pkf-aruba.com.
Built with Shorthand