“Mi a nace den e curason di Savaneta, unico yiu homber di Solita y Tony Henriquez, den un cas net na rand di mondi rondona pa naturalesa di Aruba”, Nevin Henriquez (30) ta cuminsa conta di su mes.
“Mi mama Solita ta un muher poderoso y inteligente c’un amor pa cushina, organisa y ta traha como un Accountant. Mi tata Tony ta e homber di mas bon hende di mundo, semper e ta cla pa yudabo y ta gusta combersa mescos cu su yui! Mi ta bisa mi tin e magia di ambos nan caracter den un. Mi mayornan a construi nos cas a net patras di e cas di mi wela cu semper tabata manera mi di dos mama. Mi a lanta hopi pega cu mi Oma y Opa di banda di mi mama, ya cu nan a wak p’ami di 6 te 16 aña! Pues, un famia basta grandi y di hopi coneccion.
Despues di finalisa su educacion secundario na Aruba, Nevin a dicidi pa bay studia International Business and Languages (Nederlands, Engels, Spaans & Duits) na HAN Hogeschool van Arnhem & Nijmegen na Hulanda. E estudio tabata basa riba Mercadeo,, Cultura y Idiomanan. Adaptando na Hulanda no tabata facil, pero Nevin a supera tur reto. Su curiosidad pa culturanan a hib’e pa Buenos Aires, y despues el a haci un stage na Barcelona na www.PropulseVideo.com . E experiencianan aki a contribui na su crecemento personal y profesional. Durante su estudio, el a conoce hopi hende, “sigur mas cu 10 mil hende”, Durante temporada di covid, el a enfrenta varios reto, incluyendo depresion. Toch, el a sigui lucha, finalisando su estudionan y logrando un stage na www.ptc.com “Aki ta unda mi a bira un master den benta, trahando pa e mercado di Spañe y Portugal y Inglatera.
“Mi carera ta manera un video game," Nevin ta conta, "cu nivelnan pa supera, retonan pa enfrenta, y e 'big bosses' pa vence." Durante su prome aña na Hulanda, Nevin mester a sostene su mes y asina a cuminsa traha na Media Markt como Sales Promotor riba recomendashon di un amigo.Hopi liher, marcanan manera JBL, HP, y Google a nota su abilidadnan. Despues, el a cuminsa traha pa Vodafone Ziggo, profundisando su abilidadnan den benta mas ainda. Mientras e tabata studiando y trahando, Nevin a busca alternativanan pa logra mas. El a subi google y a type: "How to Start an Online Business". Aki ta unda e portanan pa e mundo di marketing digital a habri. “Mi a cumpra mi prome online business program cu ta teach affiliate marketing, eynan mi a conoce mi prome mentor nan multi-millionario den digital marketing. Su prome esfuersonan, manera Mira-Video, no necesariamente a resulta den exito comercial, pero nan a pone e base pa continua. "Durante mi prome pasantia na un Agencia Creativo na Barcelona, nan a bende un video di animacion di 1 minuut pa 6 miyon euro. Ta e ora ey e universo a papia cu mi: 'Nevin! Esey ta bo oportunidad. Cuminsa crea y bende videonan di animacion!'"
E crecemento di Nevin den web development a cuminsa c’un oferta di 500 euros pa diseña un website pa un boutique. “E best part ta cu mi a haya un ‘initial NO’. Aunke e cifra inicial a wordo negocia pa menos, Nevin su participacion no a caba ey. "E mihor parti ta cu mi a termina trahando pa nan pa un aña como un consultant, resultando den hopi mas cu loke mi a imagina prome. Di eynan mi a traha un website pa HCLF Aruba gratis como donacion y nan a dunami e oportunidad pa haci un online transformational seminar pa yudabo release trauma, stress, dolor y rabia. E seminario a resulta di ta un otro ‘major turning point’ den mi bida. Poco dia despues mi a cuminsa post riba Facebook y a haya mi prome proyecto grandi na Aruba pa transfroma e Marca di ABV Aruba.”
For di e pasonan tempran, e experticio digital di Nevin a crece hopi. “For di proyectonan di website, mi a cambia pa cuminsa duna coaching, Google Ads, SEO, investigacion, modelonan di negoshi, y hopi mas,” e ta comparti. Su periodo na Google Barcelona como un Account Strategist a solidifica su comprendemento di e panorama di publicidad digital mas ainda. “Mi a traha pa 7 Luna c’un grupo di cliente c’un budget di mey miyon euro. Hunto cu mi mihor amigo Tom na Barcelona, nos a expande e Agency y a logra sera varios contrato cu abogado nan di Inglatera y Alemania basa na Spain. Awor mi ta enfoca den crece mi mes como un Professional Transformational Speaker, Business and Leadership Coach" Pero mi pasion real? Yuda empresarionan pa transforma nan negoshinan digitalmente. Mi Proceso ta full digitalisa y ta yudabo set up bo business den record time online.”
“E carera aki a scoge ami. Cada dia, mi tin e oportunidad pa motiva, brinda sosten tecnico, y conseha doñonan di negoshi mundialmente riba con pa crece y expande. Mi ta mira mi trabou manera e caminda cu e universo a pone p’ami. E ta mi mision. Mi a cuminsa cu mi mesun ‘spiritual journey’ 4 aña pasa y mi ta un creyente firme cu cuminsa y maneha bo negoshi ta un di e acto nan di amor di mas grandi bo por haci. E ta un tipo di sacrificio, di accepta hopi inseguridad, tin cu reta bo mes y bo creencianan, pero mi ta kere un negoshi tambe ta un vehiculo pa desaroya bo alma.”
Desafionan y Insightnan “Bo clientenan ideal awor ta buscando un conexion mas profundo cu bo como un negoshi y como persona,” Nevin a subraya, poniendo enfasis riba e importancia di conexionnan autentico den e era digital. Ademas, e ta conseha, "No pensa cu bo exito comercial lo duna bo exito personal. Inverti den bo mes, den tur faceta di bo bida pasobralo yuda eleva bo negoshi mas haya di imaginacion."
Tur business ta consiti di un principio basico: UN OFFERTA: Un manera simpel ta e 3 P’s
Promesa: Kico mi lo bay ricibi (Cambio, beneficio nan of transformacion)?
Proceso: Con mi por traha cu bo, y con e ta funciona (website, order, delivery, tempo)?
Prijs: Cuanto mi tin cu pagabo, transfer bo, pa por ricibi e promesa?
Riba mi website mi tin un Business Start-Up Guide cu tur local bo mester pa launch bo first digital business.
Built with Shorthand