NATU Aruba, un refugio natural di sostenibilidad y bienestar

✍🏻: Jacqueline

"Mi ta un di prikichinan di Savaneta," Josy VD Linden (32) ta bisa cu orguyo. Lanta den un famia grandi y uni, Josy semper a sinti un amor profundo pa naturalesa. Despues di un trayecto educativo y profesional na Hulanda, unda el a studia tandheelkunde (odontologia), hunto cu su casa Roel, un Merchant Navy Offcer y Engineernan, nan a tuma e paso pa haci algo diferente na Aruba cu tabata conecta cu nan amor pa naturalesa.

Esmas, desde cu nan tabata biba na Alemania caba nan tabata probecha pa haci biahenan rond mundo unda nan tabata explora diferente region, cultura, recetanan of simplemente ‘hike’ den naturaleza. “Buscando ‘The best of both worlds’ y e gana pa skip e winter scur na Alemania a trece Roel y ami bek na Aruba pa un periodo mas largo.” Ambos tabata sinti e falta di e conexion cu Aruba y cu tur bishita e deseo tabata crece pa por t’ey mas largo. “E cunucu di mi mayornan ta algo magico, recuerdonan precioso bou e palonan di mango, mispel y kenepa.” Destino a trece nan bek Aruba pa crea NATU, un eco-lodging unico.

E gran amor di Josy y Roel pa naturaleza y aventura a sirbi como inspiracion pa crea un retiro cu ta mas c’un hotel, sino un experiencia transformativo. "Ora mi tin un meta mi dilanti, mi ta traha cu determinacion, devocion y dedicacion pa logra esaki," Josy ta splica. NATU no ta solamente un luga pa descansa, sino un homenahe na sostenibilidad y reconexion cu naturalesa. "Nos kier combina nos amor pa naturalesa, Roel su amor pa campamento y mi preferencia pa confort y luho. Asina nos a crea un retiro trankil cu ta ofrece sosten y preservacion di nos famia su cunucu di mas di 110 aña. Nos kier comparti su magia cu amantenan di naturalesa cu kier duna bek mas cu nan ta tuma."

Poco mas cu dos aña pasa nos a cuminsa cu e aventura aki y e ta ambos rewarding y challenging. Emprendimento ta un proceso di crecemento personal y NATU no tabata excepcion. Josy y Roel a enfrenta desafionan grandi, di trabou remoto for di Alemania te coordinacion cu instancia gubernamental pa realisa nan vision.

"E learning curve ta steep, pero e a enrikece nos profundamente. Nan ta bisa cuminsa un business ta un ‘whole personal development journey? Well, si e ta! E mihor cos cu nos a saca di e journey aki ta e confiansa den nos mes como individual, den nos como un ekipo y den nos mision. Varios biaha nos a yega un punto di breakdown, pero e importante ta tur biaha siña e les, overcome e challenge y lanta bek cu animo pa sigui padilanti.”

Con boso ta respeta e tera y e medio ambiente mientras boso ta set up un negoshi?

Henter nos enfoke pa NATU ta basa riba un compromiso fundamental na sostenibilidad, y nos ta compromenti na respeta e tera cu nos famia ta yama cas. Nos mision ta alinea na Aruba su vision pa futuro, tambe nos ta alinea serca cu varios UN Sustainable Development Goals. Particularmente esunan cu ta enfoca riba sostenibilidad ambiental, consumo responsabel y bienestar di comunidad.

Nos como ser humano ta forma parti di naturalesa y nos ta sinti e responsabilidad aki. Nos a scoge pa traha cu un colectivo di carpinte na Cape Town y un comunidad na Blantyre Malawi pa crea nos interior unico na midi. Esaki ta un ehempel di nos compromiso pa tin un impacto positivo directamente na e fuente.

NATU su tentnan luhoso ta demonstra nos esfuerso pa minimalisa nos carbon footprint. Tentnan, un low-impact shelter uza ya caba pa silgonan, nos a elevanan cu materialnan sostenibel y cu un diseño di dak innovativo. Esaki ta permit ventilacion natural, mientras cu e A/C riba energia solar ta complementa e sistema. E ta un combinacion tremendo di sabiduria di antaño cu tecnologia moderno, aki ta unda Roel ta gusta ta, buscando innovacion. Un bon ehempel di con NATU ta combinando sustainability cu comfort.

Aunke implementando e practicanan aki no ta semper facil: manera carga tur material na man -via un caminda di cabrito, den e solo cayente di Aruba- p’asina preventi corta mata pa truck pasa. Esaki ta algun ehempel di con NATU ta keda fiel nan nos compromiso y ta algo cu nos ta orguyoso di dje.

Na NATU nos ta ofrece un experiencia crea cu cuido, unda bishitantenan por ta completamente den naturalesa y ta parti di un cambio positivo. Diseña pa bo desconecta di tur distraccion di bida diaro y reconecta bek cu naturaleza y bo mes. Bibando den harmonia cu e medio ambiente, lanta cu e canto di parha, sinti e rayonan di solo mainta, sabiendo cu bo estadia ta parti di un cycle regenerativo. Bo no mester sacrifica comfort pa por gosa di e conexion aki cu naturaleza. Nos espacionan custom-designed, traha for di materialnan duradero, ta crea un sentimento di abundancia, mientras cu e ta mescla bunita den e area natural.

NATU ta crea tambe un oportunidad pa explora y siña di e ecosystemanan, flora y fauna unico di e cunucu. Experiencia off-grid living, den harmonia cu naturaleza y forma parti di un impacto positivo pa Aruba su medio ambiente.

E futuro pa NATU ta prometedor. Josy y Roel tin plan pa amplia nan proyecto cu replantacion di pal'i mangonan, experiencianan farm-to-table, workshops riba sostenibilidad, y hasta mindfulness activities como yoga y meditacion. "Nos lo ofrece nature-based adventures manera mountain biking y hikenan bou guia."

"Siña tocante nervous system regulation, busca support y tuma accion. . Si bo no sa unda pa cuminsa, haci research, busca sosten y tuma accion. Y si bo yega na un punto cu bo ta pensa di give up, corda cu despues di cada breakdown ta bin breakthrough! Conecta bek cu bo meta, bo tin mas forsa cu bo ta kere, confia den bo mes y e proceso. Perseverancia!"

;

Share on WhatsApp