Skirbi: Jacqueline.
Michael Fowler, naci na Aruba, a tuma e mundo pa sorpresa cu su talento como ‘content creator’ Pero con e cambio di fotografo di bruid pa e mundo digital a tuma lugar? E viahe aki cuminsa ora cu su ruman muher a laga un camara atras ta unda Michael a cuminsa experimenta cu fotografia. Desde ey, el a bira un ‘content creator’ full-time, biaha pa diferente lugarnan y traha cu clientenan rond mundo. Den un entrevista cu Xclusivo Magazine, e ta comparti con tur cos a evoluciona y kico e ta mira pa futuro.
Di chikito caba, Michael tabata rondona semper pa arte y tecnologia, danki na inclinacion artistico di su mama y experticio den tecnologia di su tata. "Mi a crese den un famia unda mi mama ta di banda artistico y mi tata ta di banda tecnologia y un poco den e mundo di musica. Mi semper tabata wak mi mama haciendo diferente proyecto di arte. E ta pinta, cose, y traha hoyas. Mi tata tambe tabatin diferente proyecto di arte hunto cu su mama, pero no a haya nada cu a keda di dje. Mas despues, ora cu su ruman a laga un camera patras, el a cuminza presta atencion na fotografia y ta siña tocante su aspectonan tecnico y creativo.
TRANSICION DEN CONTENT CREATOR
Prome cu pandemia, Michael tabata un fotografo di bruid mas tanto y creador di videonan comercial. Pero ora cu pandemia a ‘hit’, no tabatin actividad den ningun di e dos industrianan aki. Esey tabata e momento cu el a cuminsa experimenta cu TikTok y siña mas di kico ta un creador di contenido. El a haya un invitacion di Croes Brothers pa biaha cu nan y eynan el a mira pa su mes, e poder completo di un content creator y mercadeo di influencer. Desde ey, Michael a enfoka riba e psicologia tras di crea contenido. "Na e punto ey, mi a cuminsa crea contenido pa otro content creators, cual tabata un experiencia hopi ‘great’ p’ami pasobra mi por a traha cu influencer ainda mas prominente di otro pais," e ta splica. "Den e biahe ey, mi por a experencia e anochinan den Cappadocia cu globonan di aire ta flota riba nos hotelnan, cu su cambernan for di $5,000-$50,000 pa anochi."
E ta corda con e momentonan cu el a cuminsa crea contenido, hendenan tabata ‘burla’ di dje; e tabata sobrepeso y no tabata consciente di e potencial di Tik Tok e momento ey ainda. Pero e no a laga esakinan afect’e. El a sigui persevera y experimenta cu su contenidonan cu el a sigui crea. "Mi a haci contenido cu awendia mi ta pensa; pakico mi a haci esey of otronan cu mi ta ainda orguyoso, di cual awe, no por keda recrea.’
Su prome experiencia real den crea contenido tabata ora el a keda invita pa traha cu otro content creator di Merca. Esaki a habri su wowo na con esaki por bira un trabou y un forma di biba bida ,sin limitenan y hopi divertido na mes momento.
E POTENCIAL DI CONTENT CREATOR
E experiencianan di Fowler como un content creator tabata djis, extraordinario. El a biaha pa diferente lugar y a traha cu top content creators di hopi influencia. El a forma parti di un ‘cas di content creator’ na Turkia, unda el a mira e hendenan di edadnan hopi hoben, haciendo esaki como nan trabou.
Fowler a hasta bira viral c’un cantica na Turkia cu contenido di e video cu a haya mas di 2 miyon views riba diferente plataforma. Su storianan di biaha, den un rolstoel etc, a bira inspiracion pa hopi hende.
LIONEL HARMS
LIONEL HARMS
Su abilidadnan pa crea contenido a bira asina popular, cu Michael a cuminsa duna les riba esaki. E ta bisa di ta kere cu content creators a bira un parti importante di strategianan moderno di mercadeo. Negoshinan cu sa di social media manera Instagram y TikTok, por gana hopi placa. "Mi a duna les pasobra mi tabata e persona cu tabata traha comercial prome. Pero, dor di plataforma manera reels di Instagram y TikTok durante e pandemia, atenshon di hende generalmente a bira mas cortico. Nos kier tur e informashon den 3 seconde, cu ta e tempo cu bo tin pa stimula e cerebro di un hende, haya su atencion sea pa educe, inspir’e of entreten’e. Comercialnan di prome tabata depende hopi riba e hende cu ta sinta y mira television. Entre bo programa favorito bo no tin otro opcion mas cu sinta y mira comercialnan. Pero awendia nos tin Netflix, Iptv. Ora tin un commercial break, e hende ta bay nan telefon pa habri y wak kico tin riba social media. Nos ta den un estado constante di consumo di media.”
Michael su Top 3 tips cu e kier comparti cu content creators ta: concentra riba educa, entretene of inspira. No laga huzgamento di otro persona determina bo balor. Sigui crea contenido, sin importa con malo e ta parse.
Mi prome anochi na Turkia nos a bay na un cas grandi cu otro 8 diferente creador cu ta biba den e mesun cas. Tur e personanan aki ta entre 16 y 30 aña, pero nan ta biba di crea contenido. Nan ta come, drumi y biba riba contenido. Entre tanto nan ta disfruta di bida sin limitenan y cu hopi diversion.
Michael awor ta dedica na busca e forma pa haci ‘content creation’ su forma di entrada financiero 100% y uza su network, pa traha cu otro content creators rond mundo. E no ta pega den bira e mihor creador di contenido sino na bira e persona serca ken otronan ta busca bon contenido.
E storia di Michael Fowler for di un fotografo pa un creador di contenido ta un testamento di e poder di perseveransia y e potensial di plataformanan di social media. Su storia ta un inspirashon pa cualkier persona cu kier explora nan creatividad.
Built with Shorthand