Pa cada dia mi ta mi mihor version. Sabiendo cu mi ta diferente  riba varios area….ta feliz cu mi y pa mi mes y pa ta emocionalmente balansa cu a y lo yudami realisa mi soñonan.

Skirbi pa: Jacqueline Wernet

Self-esteem ta un abilidad hopi importante, kere den na mes, stima nan mes na prome lugar. Y ta emocionalmente balansa, scoge wisely bo bataya y scoge cu bo ratio y no cu bo emotion. Emocion por traicionabo. Biba sin miedo.”Miedo no ta lagabo biba … e ta stop bo di biba.”

Mi ta un hende disciplina y  tin perseveransa, puntual,  blunt/honest, mi inner motivation y self esteem (cu ta halto) ta  keep mi going. Mi ta doelgericht: mester logra.  Mi ta un hende caring vooral pa animalnan y medio ambiente y mi ta yuda unda cu mi por.  Mi no conoce grijs gebied… e ta blanco of preto, mi ta hopi inteligente y solving problem gericht pero ……mi no tin cabei riba mi lenga cu ta hinkami den problema varios biaha.

CON ABO TA INSPIRA

Mi ta inspira mi mes door di lesa buki y articulonna skirbi pa hende muher, busca hende muhernan riba social media unda mi por siña di nan.  Y loke mi siña mi ta purba pasa over riba vooral e hubentud femenina y adultos. Door di skirbi mi pensamentonn riba social media, ora mi wordo invita den podcast of otro programanan. Mi tin hopi young adults cu ta aserkami pa tur sorto di conseho y eynan mi ta purba di duna nan na mi manera y mi punto di vista con nn por excel den bida.

Haci loke ta haci abo feliz.

KICO TA HACI ABO, UN MUHER CU TA INSPIRA?

Mi ta inspira door cu e edad cu mi tin mi ta modela of mihor mi ta haci arte cu mi curpa y pone den potret,  mi creatividadnan.  Mi body ta e canvas y cune mi ta haci arte. Mi kier mustra cu apesar bo edad bo por modela y cu un ta pasobra bo ta riba 60 bo mester bay soja den stoel…. despues di bay cu pension tin un bida mas pa bo enjoy na bo antoho.  Inspira pa ta nan mes y enjoy bida y disfruta di bida sintiendo liber y cu pas mental.

BALANS

E balans den mi bida ta conoce mi limitenan. Sa kiko mi kier combina cu kiko mi por.  E strategia den mi profesion ta traha cu limite y goals, balans cu sport y cu musica como e base di relaha y volunteers work.  Semper mi a haci mi trabou, mi sport  y trabou voluntario cu PASSION. Ora bo ta traha cu pasion bo ta enjoy.

MOTIVA UN OTRO
Contratempo/obstaculo nos tur ta haya den bida…. Aki ta ora cu abo mester ta consciente ki sorto di bataya of strategia bo ta usa den BO BENIFICIO. Tin obstaculo cu bo mester bira lomba pa nan y core bay leu y tin obstaculo cu bo por pensa con y kiko mi por haci pa pasa e obstaculo aki. Esey ta den bo man. Choose wisely pasobra si e tin desventaha… bira bay. Pero si ta un obstaculo cu bo por handle …bay pe cu un bon strategia. Esaki ta rekeri si un MINDSET y decision firme.

Nos por para solidario cu otro e dia cu nos support otro riba tur tereno, purba compronde cada hende muher y laga cada un den su valides y stop di bringa otro y critica y stop di ta “bitching”.

ORGUYOSO LOGRO
Logro mas grandi ta mi doctoral diploma, funda e fundacion Salba Nos Burico y funda fundacion Crioyo Trappers cu ta un fundacion pa cachonan di caya. Mi ta orguyoso cu mi diploma pasobra no tabata facil como un stranhero na Hulanda den añanan 80/90. Y logra cu nos buriconan no a wordo extinct y cu nos cachonaa di caya ta hayando e atencion cu nan merece unda cu e bestianan aki a wordo lubida y menosprecia pa hopi hende. E 2 proyectonan aki mi a haci cu pasion y amor pa bestia y cu a dunami un satisfacion cu ningun placa di mundo por paga. E gevoel civico aki a pone mi self esteem crece pasobra mi a fundanan for di scratch E proyecto di cacho di caya ta un hopi dificil pasobra no ta e cacho ta e problema pero nos hendenan cu no ta responsabel cu cria nan bestia.

BARERA

E barera di mas grandi ta SUPPORT, DUNA BALOR NA BO MES y admira otro pa nan logro. Nos muhernan no ta support otro ni balora nan mes un sexo. Nos ta jaloers, haci redo, miedo di ta nan mes, worry ki otro ta pensa, comporta na loke comunidad kier cu nan mester ta. Tur esaki ta indica cu nos muher nan emotional balans no tey y nan self-esteem tampoco no tey. Unda cu nan ta crea un “mental prison “ pa nan mes y no por break out tampoco. NO tin ni e curashi pa haci esaki y ta conforma nan mes cu e situation cu nan ta den. Door di barera aki no ta haya mas muhernan  pa inspira den nos comunidad. Muhernan ta sacrifica nan mes pa yiu(nan), pareha of famia lubidando cu nan tambe tin e derecho pa tin nan mes un bida.

UN OTRO MUHER CU TA INSPIRA BO

Muhernan cu ta logra nan soño riba tur tereno no matter educacion. Voorbeeld un muher cu poco educacion ta bira un supervisor of hende muher cu ta comparti nan logronan riba su terreno por ehempel sport, arte, musica, educacion etc. y aworaki loke ta inspirami ta cu muhernan riba edad cu  ta modela, mustra mundo con nan ta enjoy nan bida y ta feliz,  traha reels riba tur sorto di terreno, conta di nan experiencianan y logronan den bida cu no tabata facil, muhernan fuerte cu no tin cabey riba nan lenga cu ta bisa e cos manera e ta.

CONSEHO

Pa e hobenan: tuma bo studio na serio. Esey ta habri porta pa bo soñonan. No laga ningun hende kita bo soñonan. E asset di mas importante ta KERE DEN BO MES CU BO POR. Enfoka riba bo metanan no matter what. “Ora algo bay menos bon…sigui. Den bida semper tin obstaculo pero juist usa e obstaculonan pa ta mihor y bira kada biaha mas mihor/strong pa sigui. Saka e mihor di tur e obstaculonan pa bo bira e mihor version dibo mes. Ora cu cos bira dimas….. hala un stap patras… relax…. Pensa ki strategia lo bo uza next….. y sigui. Corda: “The world is for you to conquer.”

MUHERNAN NA ARUBA

E posicion di hende muher a desaroya riba cierto terrenonan positivo y cierto terrenonan ainda falta hooopi pa bay. Riba tereno di estudio, ta economicamente independiente nos muhernan ta fuerte y avansa hopi mes. 

TopBuilt with Shorthand