ARUBA
SU TRAILBLAZER DEN
PLATA - ORO - MODA
Gassantphoto
Gassantphoto
Skirbi pa: Jacqueline Wernet
E ta manera e dicho;
she came, she saw and she conquered.
Loke a cuminsa como un idea spontaneo mas di 25 aña pasa, awe a resulta den un negoshi cu a desaroya, crece danki na persistencia y trabou duro di un muher, esposa, mama y amiga y comerciante.
Semper e tabata mi soño pa cuminsa mi propio tienda di paña. Despues di a traha pa Benetton pa algun aña, cual tabata e mihor scol p’ami, cu e impulso di mi esposo, mi a cuminsa un tienda di accesorionan di plata. Esaki a cuminsa den e forma mas spontaneo. Mi ta corda tabata na 1996. Mi tabata viaha pa Benetton pa haci compra pa e tiendanan na Aruba y tabata bay St. Maarten pa haci e merchandising eynan.
Durante un di e viahenan aki, durante un stop na e aeropuerto di Puerto Rico, mi a bay na e mall Las Americas y mi a cumpra un armband cu diseño di Kokopelli pa mi casa, cual a cuminsa haya atencion di hopi hende. Tur hende tabata kier sa di unda e armband aki tabata. Asina mi casa a bisami; “hey, dicon nos no ta cuminsa un tienda cu ta bende plata”?
Mi a busca contacto c’un wholesaler y mi a cuminsa cumpra y bende for di mi cas na mi amigonan, despues mi a sigui dilanti supermercado Pueblo tur diadomingo ta bende mi joyanan of tambe durante eventonan special. Mi ta corda tabata hasta bende den un nightclub Whisky Roadhouse cafe, unda tabatin un skina cu nos tabata bende e joyanan di plata. Di eynan, nos a dicidi pa crea e prome tienda cu a haya e nomber RAGE cu a habri den Aruba Holland Mall. Mi casa a cuminsa cu e tienda su so, despues mi a join y te awe, nos negoshi a cambia y crece. Mi no a cuminsa cu paña e momento ey, pero como un Fashionista mi tabata sigui gusta esaki masha mes. Despues di a habri y cera varios tienda, pa motibo di e cambionan constante den nos mercado y economia, cual tabata e reto mas grandi, finalmente mi por bisa cu mi ta unda mi kier ta.
Marny tin su Jewelry Boutique den Renaissance Mall (Jolie Jewelry Boutique), unda su clientenan por haya un look completo.
Body Rage
Renaissance Marketplace
RAGE ORO
Renaissance Marketplace
RAGE
South Beach
RAGE
Palm Beach Plaza 1st floor
RAGE
Palm Beach Plaza Ground Floor
RAGE
Royal Plaza
JOLIE
Renaissance Mall
E cualidad primordial cu bo mester tin den loke bo ta haci ta; Pasion y keremi cu despues di esaki, e resto lo sigui.
Mi ta busca inspiracion di varios medio manera e.o. social media, lesa, seminarionan, trade shows y viaha. Mi ta inspira otro dor di comparti mi 'fashion look' y ideanan. Tambe, pa yuda trece e ultimo tendencia den joyeria, di moda grandi di ciudadnan na Aruba na Aruba, pero na un prijs accesibe.
KICO TA HACI ABO, UN MUHER CU TA INSPIRA?
Semper mi ta comparti mi experiencia cu personanan cu mi por inspira pa nan sigui nan soño. Tin hende cu kizas ta mira bo cu bo negoshi y ta kere cu e caminda pa yega eynan tabata facil. Den mi caso, e no tabata un regalo. Mi mester a traha duro p’e y cuminsa chikito y poco poco, crece pa yega na unda mi kier ta. Mi no tabatin conocemento di joyeria paso ami semper a kere cu lo mi bay den moda di paña. Pero una vez bo ta estableci, bo trabou no ta para. Bo tin cu keda siña, desaroya bo mes, busca cosnan nobo, cambia e product mix, busca marcanan nobo, dus, djis no entrega.
BALANS
Balans? Kico ta esey? Esaki ta un lucha constante, pero mi ta trata pa no ta hopi duro cu mi mes. Mi ta traha tempo pa mi mes cu ehercicio, practica mindfulness, trata di come saludabel, pues, purba traha suficiente tempo, pa mi mes.
ORGUYOSO LOGRO
Riba e ramo profesional; sin duda algun, tur loke mi a logra cu esaki, cu mi tiendanan te awe ta existi.
Personal - Cu mi ainda ta casa.
Nunca entrega. Enfoca!
BARERA
Tin bez, e barera cu muhernan por topa cune den loke nan kier logra of ta logra ta envidia.
SOLIDARIDAD, CON?
Traha hunto. No tene miedo pa comparti ideanan of pidi ayudo.
UN OTRO MUHER CU TA INSPIRA BO
Local: Ronella Croes – Fashionista y un Power Woman.
Tambe mi mama – cu NUNCA ta keha y tambe mi ta gusta su sentido di moda.
CONSEHO:
Tin of crea un mentalidad corecto pa logra bo soñonan. E ta cuminsa cu esey...
MUHERNAN NA ARUBA
Nos muhernan local ta sorprendentemente tremendo den loke nan ta haci. Apesar di ta biba riba un isla asina chikito y pa motibo di nos cultura, e no ta facil.
UN MOMENTO INOLVIDABEL DI INSPIRACION
Mayor parti di biaha, algun ex-empleadonan cu ta logra nan soñonan. Sea como empresario of ta sigui crece den otro forma. No tin un caso specifico, sino varios.
INSPIRA NOS MUCHANAN
Siña nan cu nan por haci kico cu nan kier den bida pero e no ta bin di haci nada, nan tin cu traha p’e.
Built with Shorthand