Pa Marisol Montero, cumpra un cas no tabata simplemente un logro personal. E tabata un acto di amor. Un regalo pa su yiunan. Un espacio caminda nan por yama “nos cas”, un luga di stabilidad, union y futuro. Pero e caminda pa yega ey no tabata sin reto. “E momento cu mi a cuminsa pensa serio riba cumpra un cas tabata ora mi a sinti mi mes mas stabil den mi carera. Na e momento ey mi a compronde cu mi tabata cla pa tuma e paso aki ora mi a mira cu mi por a carga e responsibilidad di un prestamo.”
Na principio, Marisol tabata tuma tempo pa orienta su mes. El a tende hopi cos bon di FCCA, un organisacion cu ta kere den yuda hende nan local, c’un estilo mas personal y flexibel.
Aunke el a considera otro banco tambe, e trato humano, orientacion personalisa y deseo real pa duna ayudo di FCCA a convence Marisol pa scoge pa nan. “Mi a mira cu FCCA ta sobresali den su manera di traha cu clientenan y si acaso algo den e proceso pega, mi a mira cu nan ta trece solucion y ta dispuesto pa yuda di berdad.”
E experiencia cu FCCA a resulta hopi mas cla y positivo cu loke e tabata imagina. “Nan a guia mi den tur paso, responde tur pregunta, y e comunicacion tabata cla, profesional y amabel. Mi a sinti cu nan kier mi logra mi soño di yega na mi mesun cas.” Ora e aprobacion final a yega, e emocion tabata unico. Lagrima, alegria, gratitud, un mezcla di sentimento cu tur hende cu tin un meta, lo por compronde. “Como mama, bo ta sinti completo. Un momento cu nunca lo mi lubida.”
Un di e detayenan bunita cu Marisol ta corda di tur e proceso aki ta su tanta; “Mi tin un tanta cu tambe a logra haya su cas cu yudansa di FCCA. Mi a crece bishitando su cas for di chikito, y semper mi a soña di tin un cas propio manera mi tanta. Y awe, mi tin mi propio cas, cu ta exactamente net banda di su cas." Nos ta bisiña!
Un les grandi cu Marisol ta keda carga ta e importancia di preparacion financiero. No ta basta kere den bo meta, bo mester traha p’e, y bay cla pa siña. Pa esnan cu ta considera tuma e prime paso pa un hypotheek, Marisol tin un conseho sincero:
Pa Marisol, e trato humano ta loke a keda sobresali. “Mi ta gradici e team completo di FCCA pa nan pasenshi, comprension y entrega real. Bo ta sinti cu bo no ta bo so. Esaki ta inspirativo.”
Built with Shorthand