Lynell Koolman; E mentalidad di un coach

Un coach no ta simplemente un hende cu ta conta e cantidad di biaha cu bo ta haci un ehercisio. Un coach ta un guia mental, un persona cu ta mira mas leu cu bo cansancio, mas profundo cu bo dudanan y mas. Pa Lynell Koolman, e mesun CrossFit cu hopi ta mira como un deporte extremo, ta un lenguahe humano di resistencia. Un entrenamento cu, den su esencia, ta siña un persona pa no ta prepara solamente pa e entrenamento di dia, sino pa e retonan di bida.

Despues di 10 aña den e box di RedStarLions (RSL) Sports, e ta mira mesun storia ripiti: hende cu ta drenta cu miedo of inseguridad, pero ta sali cu orguyo y confiansa. “CrossFit, ta siña bo pa reset bo mente tur dia. Si bo por enfrenta un entrenamento di dia, bo por enfrenta bida”, e ta bisa.

Pa Lynell, CrossFit no ta un deporte di castigo, ta un sistema di crecemento. “CrossFit ta un deporte mental. Tur dia bo ta wordo exponi na algo diferente: forsa, intensidad, tempo. E ta forsabo pa reset bo mente y sigui. Na final, e les mas grandi ta cu cualkier cos cu bida ta tira riba bo, bo por maneha. Sin importa kico e ta.”

Si e mester describi CrossFit den un palabra, e ta bisa sin duda: “Empowering.”

“Train bo curpa ta bon, pero ora bo ta train bo mente y bo curpa mesun tempo, bo ta siña vence e pensamento di ‘mi no por’. Cada dia cu bo no ta rindi, bo ta forma un mentalidad fuerte y esey ta bo victoria real.”

Na RedStarLions (RSL) Sports nos ta train hende homber y muher. Hopi hende cu cana drenta e porta nan di RSL pa prome biaha ta drenta un poco timido vooral si nan ta nobo den e deporte y community, pero na e momento cu e simannan cuminsa pasa y nan cuminsa ripara cu nan por maneha diferente di workout e level di confiansa den nan mes ta subi substancialmente y atrobe, esey p’ami, ta campeon. Pa e, tur persona ta cuminsa den su propio Level 1, sin comparacion.

Tur hende nan fitness Journey ta cuminsa for di Level 1. Cu bo a cuminsa cu deporte cu 4 aña of 18, bo a cuminsa na level 1. Level 1 por ta flaco y bo kier tin mas musculo, of bo por ta Overweight y bo kier perde peso y mustra mas tonifica. Pero e cosnan pa mi cu ta resalta, ta cu e hende nan cu ta haci CrossFit ta cuminsa enfoca asina hopi riba e workout di dia, pensando na trabou ta con nan ta bay haci’e posibel pa caba e workout di dia. Consecuentemente, den e proceso, nan ta avansa den nivel. Nan ta logra haci nan prome push ups, nan prome strict pull ups, nan prome toes to bar y tambe por ehempel un personal record den nan back squat. In the process nan a prove nan mes cu nan por. Esey ta winning.

Pa ta honesto, door di haci 30 Push ups of 30 Pull ups of 30 squat cu peso un hende muher no lo bira “Grandi” of Varonil”. Un programa di Crossfit ta nada mas y nada menos un programa cu ta transforma un hende su pensamento di duda den nan mes cu tur cos cu nan pone nan mente na dje nan por logra. No ta importa cuanto set backs tin den e proceso, semper keda move . E workout ta 10:00 y bo ta cansa na e di 6:00? Digeri bo pensamento negativo y sigui move. Esaki ta loke nos ta yama resiliencia.

Tambe tin e mito cu manera bo drenta e porta di gym bo ta lesiona. Cu mane bo train un luna di CrossFit bo ta bira musculoso. CrossFit ta e deporte cu ta preparado pa diferente etapanan di bida. Por ehempel siñabo no give up den set backs nan di bo bida.

Como coach nos conoce tur nos athletes nan. Nos sa ora nan ta 100 y ora nan ta feeling menos. Ora athletes nan ta low energy, nos lo adjust e workouts nan den un forma cu still nan por caba cu e Workout di dia y sinti proud di nan mes. E parti mas great ta, cu hopi biaha, apesar di ta sinti ‘down’, despues di caba nan entrenamento di dia, hopi biaha nan ta sinti nan mes, hopi mihor.

Tin ora di guia y tin ora di grita. Un coach su trabou ta pa guia su atletanan pa nan por move mas sigur y eficiente posibel. Nos ta guia trankilo cu pasenshi y nos ta wordo siña como Crossfit coach pa ta resiliente. Nos ta keda banda dibo dunabo tips te ora nos ta wak cu e movemento a wordo performed bon. Un coach su trabou tambe ta pa grita cos nan positivo por ehempel, ‘No Give up’, ‘Bo Por’ ,’Master bo ta’, ‘Bon Trabou’

Si bo ta un hende cu mester por sinta y para bek (squat), piki algo for di vloer (deadlift) Pone comestibel of algo di peso den cashi ariba (Press), Cana/Core/Subi trapi/ta apto pa pasa tempo activo cu bo yiu/famia nan etc (conditioning), CrossFit ta p’abo.

Conociendo diferente muher den diferente forma di nan bida y still show up pa nan mes, p’ami esey ta master. Nos tin hende muher cu a bataya diferente cos nan y mi mester a siña compronde tur e fase y cambio cu nan por tin y bay om cu cada momento.

No warda te ora bo ta sinti cla p’e djis cuminsa. Crossfit lo mustrabo un version di bo mes cu porta bo no tabata sa ta existi ainda. Un persona fuerte, enfoca, determina, y mas fuerte cu bo lo por a imagina. Cuminsa y laga e trayecto siñabo y mustrabo con fuerte y capaz bo ta.

Share on WhatsApp