For di un edad di 6 aña Liselotte ‘Lotte’ (15) a cuminsa practica baile. El a siña presenta su mes na un forma elegante y c’un gracia particular. E ta asina consumi den e arte di baile y asina hopi tempo e ta dedica na dje cu durante añanan el a sacrifica hopi tempo liber y pasa tempo cu amigonan pa practica su arte. “Mi a siña for di un edad hopi hoben pa pone mi mes y locual mi ta gusta prome.”
HOBEN PERO C’UN CARERA YA CABA DESTACA
Durante su prome aña di ballet, hunto cu su ruman el a comparti e papel principal di Clare den e ballet the Nutcracker di Kozlov Dance Academy. Asina tur aña el a sigui haya rolnan importante te cu na 2021, el a haya e papel principal di Sugar Plum Fairy cu ta baila e grand pas de deux cu mr Leonid Kozlov. “Mi ta sinti mi honra di a wordo scogi pa Prins Bernhard Cultuur Fonds Caribisch Gebied y EYoung Talentfund y cu nan ayudo mi traning ta hopi mas intensivo y personal y a yuda hisa mi nivel.”
E bailarina a logra haya subsidio di Prins Bernhard Cultuurfonds Caribbisch Gebied (PBCCG), kende nan a haci posibel cu Lotte por a haya un coach cu por a bay cune New York.
Durante un entrenamiento na Brussel, participando den nan traning profesional intensivo mi a wordo scogi pa e papel principal di Cupido den e obra di Don Quixote Ballet. Liselotte ta considera esaki como e momento cu el a haci su “breakthrough”. Despues di esaki e Brussel Ballet training school a puntr’e pa keda train cu nan pa un aña pero Liselotte a dicidi di bolbe Aruba y sigui cu su training intensivo na Kozlov.
Na 2018 el a wordo invita pa baila un solo na Corsou y na 2021, 2022, 2023 el a participa na e International Ballet Competition na New York ganando cada biaha diferente medaya, silver y brons y ricibiendo multiple scholarships rond mundo. “Sin duda e highlight di henter mi carera te awor como ballerina tabata di por a presenta un baile pa Famia Real Hulandes y ricibi felicitacion personal for di Rey Willem Alexander”.
Ademas di ballet tradicional, Liselotte ta interesa tambe de baile lyrico y contemporaneo cu ta uza tokenan di ballet clasico. Durante les e ta usa diferente estilo di musica cu ta hopi dushi pa baila y durante e student showcase e ta baila diferente bailenan di folklore, jazz, eastern European y caracter. Durante siman, como cu e ta bay scol ainda, e ta train 5 ora y mei den grupo y 3 ora priva. Ora di presentacion nos ta añadi sigur 3 ora aserca. “Na cas mi ta pasa sigur 45 minuut tur dia ta haci stretching y ora mi no tin les mi ta train na cas.”
LISELOTTE VAN DOORN
LISELOTTE VAN DOORN
PERSPECTIVA Y GOAL
Biniendo for di un isla chikito manera Aruba ta complica e cosnan un poco pa un ballerina semi professional manera Liselotte. Ora e viaha pa participa na traning of competencia e costonan ta enorme. “Mi ta purba keda al tanto di tur e desaroyonan door di follow bailarinanan internacional riba Youtube”. Liselotte su soño ta pa por firma un contrato cu un compania di ballet clasico y actua tur dia riba stage. “Ademas di siña for di docentenan di ballet, e dedicacion y determinacion cu abo mes tin como bailarina lo haci e diferencia di con leu bo por yega”. Tambe un famia cu ta sostene bo ta yuda hopi den e carera aki.
Built with Shorthand