Tin pieza cu no ta solamente atrae bo interes y bista, nan ta papia cu bo alma; nan por transmiti un paz, un proposito, un storia. Esaki ta loke ta pasa ora bo topa un creacion di mochilanan (backpack) y joyanan yama Lentino. Un marca cu no ta moda solamente; pero ta un idioma di amor, borda den hilo, piedra y fe.
Crea pa rumannan Stephanie y Laura, Lentino ta hopi mas c’un marca, ta un ofrenda di curason. Cada pida ta refleha ken nan ta, di unda nan ta bin, y kico nan ta kere ta beyesa real: e tipo cu no ta grita, pero ta keda y dura.
STEPHANIE Y LAURA
STEPHANIE Y LAURA
E historia di Lentino ta cuminsa manera hopi historia poderoso: dos ruman y un soño. Cria den un famia unda amor, fe y trabou duro tabata e guia principalnan, Stephanie y Laura a crece creando cu nan man y soñando cu nan curason.
“Nos inspiracion ta bin di nos raiz Colombiano, di e forsa di e muhernan rond di nos, y di e gracia di Dios,” nan ta conta.
Loke a cuminsa como un amor comparti pa diseño, a bira un mision, no solamente pa traha creacionnan bunita, pero pa duna nan un significado profundo.
Cada pieza di Lentino ta traha na man na Colombia, pa muhernan artesano cu abilidad y pasenshi. E rumannan ta traha cu intencion: sin produccion masal, sin sigui moda pasahero.
Nan ta uza tres tipo di hilo di calidad halto pa nan mochilanan (Backpack), y nan joyanan ta traha cu bronz lamina cu oro di 24k y piedanan semi-precioso.
Pero segun nan, e ingrediente mas importante no ta visibel:“Nos ta scoge curason,” nan ta bisa. “Mannan cu ta traha cu orguyo, pasenshi y tradicion.”
E resultado? Pieza eterno cu ta sinti manera nan tabata traha pa bo mes, desde prome biaha bo mira nan.
LAURA
LAURA
“Lentino” ta nomber di famia, un palabra cu tin raiz, amor y un cariño profundo pa tur cos autentico. Pero e ta sona tambe manera loke e ta representa: suavidad. elegancia. Intencion.
E mision di Lentino ta; traha cu alma, honra tradicion, y empodera muher nan den tur paso di e proceso, for di e idea te na e hilo. E dos rumannan kier pa tur cliente, no djis bisti un pieza, pero sinti e bendicion tras di dje. Un piesa di Lentino ta bisti bo, pero tambe ta crea sentimiento.
Laura y Stephanie no ta core tras di “crecimiento rapido”. Nan ta crece cu gracia, mantene nan esencia y nan mensahe cla pa mundo.
Built with Shorthand