Dia Mundial di Mata tin un nificacion profundo di e celebracion di bida, naturalesa y nos coneccion hunto. Aruba tambe a tuma parti na e celebracion mundia di Dia di Mata Nacional, c’un evento unico organisa pa Lava Studio Aruba.

Cu e presencia di un grupo selecto di invitado, a presencia hunto e arte di Glass Blowing, den cual evento, e emblema di Aruba su tan stima mata di Divi Divi a haya bida den un presentacion magico di creatividad y patriotismo.

E evento unico aki cu a tuma lugar riba 21 di Juli 2023 na Lava Studio Aruba no solamente a dunando enfasis na dedicacion di nos isla pa keda preserva nos herencia cultural, pero tambe a resalta e harmonia entre arte y naturalesa, haciendo e evento aki, un celebrashon inolvidabel. Awor mas cu nunca cu nos ta mira e importancia di biba, crece y innova, pero dunando naturalesa su respet y espacio.

Durante e evento unico aki, invitadonan, e.o. Minister Ursell Arends y representante nan di turismo, financiero y empresa nan local a cuminsa ta network un rato prome cu nan a keda invita pa pasa den e area di trabou di maestro residente, Fabiano Zanchi.
Den un atmosfera yena di patriotismo, invitadonan a presencia e creacion di un mata Divi Divi atraves di e arte di glass blowing. Aki, tur presente por a mira con e materialnan puru a haya bida, transformando den un replica impresionante di e tan stima mata di Divi Divi. Pa e occasion aki a crea un serie di matanan Divi Divi den varios tamaño, cu ta disponibel pa cumpra.