FOR DI UN SOÑO PA REALIDAD

E pasion di Kyle pa tennis a cuminsa ora cu e tabata compaña su rumannan na weganan di tennis amistoso. Cu e sosten di su famia, el a sumergi su mes den e deporte y finalmente a gana un beca pa hunga tennis Division #1 na e universidad prestigioso di Elon Phoenix na Arizona.
Durante su carera, Kyle tabata admira Roger Federer pa su fineza riba e corte y su bon curason pafor di dje. E propio estilo di hunga di Kyle tabata defini pa variedad, consistencia y un forehand fuerte. Ademas, e tabatin e fortaleza mental pa keda trankil bou di presion.

Ora cu Kyle a ricibi e noticia tocante su beca di tennis, e tabata contento. Esaki tabata e culminacion di añanan di dedicacion, y esaki a permiti pa e sigui hunga e deporte cu e ta stima mientras e ta sigui cu su educacion avansa. "Esaki tabata algo cu mi tabata trahando riba dje, practicamente henter mi bida. Asina ta cu e noticia cu mi a haya un beca pa hunga e deporte cu mi stima y basicamente wordo paga pa sigui cu mi estudionan tabata un soño bira realidad. E tabatin e impacto mas grandi riba mi bida ya cu mi por a hunga tennis pa 5 aña mas, haya mi diploma Bachelor’s y Master’s, y prepara mi pa e mundo profesional.

Representando Aruba, Kyle a participa den e Junior Davis Cup tres biaha, creando memorianan inolvidabel y haci su pais orguyoso. "Mi 3 momentonan favorito den ningun orden particular tabata: ganando e Junior Davis Cup pa prome y unico biaha pa Aruba, ganando e torneo internacional ITF na Aruba como e unico hungador Arubiano den historia, y ganando e CAA Championship cu mi team di college."

Durante su viahe, el a haci numeroso sacrificio, manera laga pasa vacantienan di famia y fiestanan di cumpleaños di amigonan, pa persigui su soñonan. "Bo ta enfrenta desafionan y oportunidadnan cada dia como un estudiante-atleta, y esey ta loke ta haci bo special. Maneho di tempo ta clave como un estudiante-atleta, ya cu bo mester balansa un carga completo di curso manera un estudiante regular, pero tambe bo tin un trabou part-time - tennis. Pa ta organisa, comunica cu maestronan, y traha pa baydilanti, mi a logra balansa exitosamente mi compromisonan academico y di tennis."