"If it flows it goes, it grows"
Gassantphoto
Gassantphoto
Skirbi pa: Jacqueline Wernet
As cliche as it sounds, it will get better. Mi ta un firm believer cu loke bo ta pasando door di dje ta un reto cu bo mester surpasa pa e haci bo un muhe fuerte, balente y bo mester siña di e reto aki pa asina bo ta prepara pa e bunitesta y bendicion nan bida tin planea pa bo. Mi sa e no ta facil, tur dia e por ta peor pero sa cu tur dia ta un dia nobo pa cuminsa di nobo. Mi kier enfatisa ta cu bo no ta bo so, tin un hende banda di bo cu kier scucha bo y ta cla pa yuda bo.
Mi a cuminsa cu mi carera como un entrepreneur na 2016 unda nos a habri nos prome pop-up store den e sala di nos cas. Den 2021 nos a celebra nos aniversario unda nos a lansa nos prome coleccion di stationery y e prome coleccion na Papiamento. Mi gusta pasa mi tempo na lama ta lesa of journal, cushina y bake pa mi friends and family. Mi tin un amor pa traha contenido online pero mas importante story telling unda mi ta traha un storia rond di un producto, servicio of experiencia, emerging e audience den e storia.
INSPIRACION
Nos a dicidi di habri Paper Sisters ora nos a ripara cu tabatin un buraco riba e mercado di stationery products. Despues di 3 aña, nos a haya e oportunidad di habri nos tienda y desde esey, tur e portanan a habri pa nos den su debido tempo. Honestamente mi no a pensa cu mi lo ta haciendo esaki full-time, pero mi ta contento cu mi tin e oportunidad pa haci esaki. E reto mas grandi cu mi mester a enfrenta ta haya hende cu bo por confia cu bo por traha cune longterm.
CUALIDADNAN
Personalmente, ami tin pasion pa loke mi ta haci, y e mensahe nan cu mi ta trece dilanti na nos audiencia tambe mi ta hacie cu pasion, cu na momento mi ta sinti mi demotiva y sin gana di sigui, e pasion aki ta loke ta pusha mi y motiva mi. Determinacion y cu gana di siña for di reto nan cu bo ta encontra y compronde cu e retonan aki a bin pa siñabo crece y florece.
CON ABO TA INSPIRA?
Mi ta gusta lesa buki di self-help, follow accounts riba social media cu ta siña mi algo nobo y mi ta gusta tin hende rond di mi unda mi por expresa mi mes comfortabelmente, sin haya judgements y haya feedback bek, brainstorm cu nan y esaki ta vice versa tambe, unda ami tambe ta haci mi best pa t’ey pa nan ora nan mester di mi. Na final mi ta haci mi best cu e mensahe nan cu mi ta public riba Paper Sisters ta pa inspira nos siguidornan.
KICO TA HACI ABO, UN MUHER CU TA INSPIRA?
Danki na a plataforma cu mi a crea cu Paper Sisters mi por bisa nos ta alcansa un audiencia unda nos ta inspira nan sea via nos producto nan, mensahe cu linked cu nos coleccionnan y e storia nan cu nos ta comparti via nos stories. Tur esaki nan nos ta aim pa nan ta inspiring, motivating y empowering. Personalmente mi ta purba di ta open cu nos cliente nan, p’asina nan tambe por sinti nan mes comfortabel y cu nan no ta nan so. Mi ta habri pa comparti retonan cu nos a pasa door di dje no solamente como entrepreneurs, pero loke nos sa pasa aden personalmente tambe, p’asina nos cliente/followers sa cu nan no te unico cu ta pasa door di esaki.
BALANS
Esaki ta un les cu mi mester a siña aña pasa unda mi a realisa cu mi no tin un balans entre e dos nan aki. Pero despues di casi haya un burn out, mi a bay un life coach cu a yudami, no solamente na tin balans entre e dos nan aki, pero tambe siña conoce mi mes mihor con ami ta traha mas efectivo, pone boundaries den mi work life y planea mihor den mi proyecto nan, kico ta realisabel of no. Mi mester a descubri kico ta yenami di berdad, dus finding my fulfillment paso mi fulfillment ta e motor tras di mi motivacion, determincion y pasion pa mi trabou. Ademas, un tool cu mi ta usa hopi ta mi notes app y mi Vision Planner.
ORGUYOSO LOGRO
Mi logro nan cu mi ta mas orguyoso di dje ta ora nos a lansa nos collection di stationery cu tabatin e tema “Amor Propio”. Eynan nos a cuminsa enfoca, no solamente e importancia di tin e amor aki pa bo mes, pero tambe educa otro over e topico aki, e importancia di dje y con nan por practica nan mes. Despues di esaki, nos a saca nos otro colleccion nan “Crece y Florece” y “Brilla Mane’ Bo So” tur cu e a keda cu e topico di self improvements, y amor propio. E feedback cu nos tabata ricibi for nos cliente online y den store ta loke ta push nos mas pa sigui bay dilanti y traha riba mas coleccion unda nan por identifica nan mes cune.
BARERA
E barera mas grandi cu nos por enfrenta ta inseguridad. Esaki por stop nos na haci loke nos echt kier haci, e ta limita nos pa pensa y soña mas leu pero inseguridad por keda proyecta riba otro hende tambe. Door di e proceso di proyeccion aki, otro hende muhernan no lo sinti nan mes safe of open pa ta out there y conta nan storia p’sina inspira otro. Mi ta kere nos ta falta empatia tambe cu otro hende muhernan siendo cu nos sa cu nos ta esunnan cu por enfrenta mas reto nan cu otro persona, dus mi ta haya empatia y compasion mester bin mas den nos comunidad.
UN OTRO MUHER CU TA INSPIRA BO
Mi ta follow basta small businesses online cu ta local of na Corsow y internationalmente cu mi ta haya ta inspirami. Nan tur tin diferente bida, reto nan y anan cu ta vulnerabel y open riba social media y ta honesto na con e “perfect” life no ta existi pero “my own personal path” ta hacie inspirational p’ami.
UN MOMENTO INOLVIDABEL DI INSPIRACION
Mi ta sinti tur ora cu mi comparti riba nos rednan social nos logro nan di ora nos a cuminsa den e sala di nos cas pa unda cu nos ta y tur loke nos a logra nos ta inspira otro hende cu bo por haci loke bo pone bo mente y curason na dje, no ta importa na unda bo a cuminsa. E logro mas grandi cu mi tin na mi curason ta nos colleccion na Papiamento cual tabata e prome 366 Calender cu 366 frase y dicho nan na Papiamento, dirigi cu e meta pa inspira hende tur dia ora bo bira e blachi.
MUHERNAN NA ARUBA
Mi por duna opinion den e area cu ami ta opera aden cual ta un business owner. Mi ta wak y admira tur e hende muhe nan cu a habri nan businesses den e corto tempo nan ki, y mas noticeable ta e support cu bo ta haya di e comunidad. Dus di e banda ey, e support di hende rond di bo, desconoci mes a cambia cu eta motiva otro hende muhe pa bay dilanti y sigui nan soño. Pero na mes moment mi ta haya falta hopi mas pa desaroya, personalmente mi ta haya cu ainda hende murer ta wordo menosporecia den negotiating bijvoorbeeld cos nan cu ami mester maak mee of no ta wordo tuma na serio. Basta biaha un persona ta warda un otro “authority figure” pa haci business cu nos keriendo cu tin un otro persona riba mi.
INSPIRA NOS MUCHANAN
E ta cuminsa di chikito y na e manera cu nos ta papia cu nan y den ki tono nos ta papia cu nan over kico nan por y no por haci. Creando un “limiting belief” ta bin di chikito y sin cu bo sa bo ta planta un simiya di inseguridad den dje. Juist mester enfoca na motiva muchanan cu nan por haci loke nan ta desea, cu no tin limite pa soña y semper keda bisa nan cu bo ta kere den nan. E simiya cu bo ta planta di trempan ta loke ta wordo cosecha.
Stop di warda riba otro pa ilumina bo bida pa bo,
bo tin cu briya riba bo mes.
BENEFICIO
Beneficio mas grandi di muhernan solidario cu otro ta relatability, pa tin e sensacion di “e ta mescos cu mi y mi tambe por logra manera el a logra”. Pa tin hende muhernan cu ta inspira rond di nos ta traha manera un comunidad cu por sigui inspira e futuro generacion pa haci loke nan kier y gusta.
Built with Shorthand